Kontu Ikuskaritzaren Arau Teknikoak eta Printzipioak

Kontu Ikuskaritzaren Arau Teknikoak

Kontu ikuskatzaileek bete beharreko arau teknikoak eta printzipioak zehazten dira jarraian, jarduera profesionala zuzentasunez eta eraginkortasunez burutzeko.

Prestakuntza teknikoa eta gaitasun profesionala

Auditore izateko beharrezkoa den prestakuntza teknikoa, gaitasun profesionala eta legeak eskatzen duen baimena dauzkan pertsonak egin beharko du ikuskaritza lana.

Independentzia, zintzotasuna eta objektibotasuna

Auditoreak ezin du:

• Ikuskatuko duen enpresan inolako harremanik izan.
• Kapitalaren %10 baino gehiago izan enpresan.
• Enpresatik mozkinik edo oparirik jaso.
• Enpresan aurretik kontabilitatea eramandakoa izan.

Ardura profesionala

Auditoreak arauak bete behar ditu jardueran eta iritzia ematean. Horrez gain, kontuak berrikusi eta kalitate kontrolak pasatu behar ditu. Frogak jasotzeko eta iritzia emateko beharrezkoak diren agiriak bildu behar ditu. Lana taldeka egin daiteke, gehienez 25.000 lan-ordu urtean.

Erantzukizun profesionala

Auditorea arauak betetzearen eta ikuskaritza lana behar den bezala betetzearen erantzule da.

• Erantzukizun zibila: Bai bezeroen aurrean (hitzartutako kontratua betetzearen erantzukizuna) eta baita beste edozeinen aurrean ere (enpresako kontuen erabiltzaileak).
• Erantzukizun administratiboa: Auditoreak era mugagabean erantzuten du ICACen aurrean. Kontu ikuskaritza ondo bete den ala ez jakiteko kontrol tekniko bat jar dezake ICACek, osoa edo partziala. Ondo egin ezean, ICACek zigorrak jar ditzake.

Sekretu profesionala

Auditoreak ezin du informazioa bere onurarako erabili. Bere lan-paperak babestu behar ditu. Kontu ikuskaritzako txostenak 5 urtez gorde behar ditu enpresak.

Ordainsariak eta komisioak

Ordainsari profesionala bezeroari egindako lanaren ordainketa zehatza izango da. Korporazio profesionalek erreferentziako tarifak dituzte. Auditoreak ezingo du komisiorik ordaindu lan bat lortzeko eta independentziaz jokatu behar du beti.

Publizitatea

Auditoreak ez du publizitaterik egin behar. Enpresa bat auditorearengana informazio eske badoa, liburuxka bidez edo iragarki baten bidez erantzun ahal izango du.

Kontabilitate Printzipio Nagusiak

Zuhurtziaren printzipioa

Ekitaldi amaieran lortutako mozkinak bakarrik kontabilizatu behar dira. Aurretik ikusten diren arriskuak eta galerak, berriz, segituan kontabilizatu.

Sortzapen printzipioa

Sarrerak eta gastuak gertatzen diren momentuan kontabilizatu behar dira, ez kobratu edo ordaintzean.

Garrantzi erlatiboaren printzipioa

Kontabilitate printzipio batzuk ez aplikatzea onartzen da, baldin eta kontuek ematen duten irudia benetakoa bada eta eragindako aldaketa esanguratsua ez bada.

Oharra: Kontu Ikuskatzaile (KI) izateko gaikuntza profesionala ICACen lortzen da.