Kanpo Merkataritza: Hesiak, Laguntzak eta Ordainketa-balantza

Inportazioei ezarritako mugak

Kuotak

Gobernuek gehienezko kopuru batzuk ezartzen dituzte produktu zehatzetan. Adibidez, Europar Batasunak auto japoniarrei mugak jartzen dizkie bertako autoen industria babesteko.

Arantzelak

Inportatzen diren produktuei ezartzen zaien zerga da. Helburua salmenta-prezioa handitzea da, horrela bertako produktuak babestuz.

Hesi administratiboak

Administrazioek ezartzen dituzten arauak dira, bertako produktuak babesteko. Mota honetako hesi bat kalitateari eta osasunari buruzko arau teknikoek osatzen dute. Adibidez: haragia, tomateak, etab.

Esportazioak bultatzeko neurriak

Gobernuek beren enpresei kanpoko merkatuetara hedatzen laguntzeko hainbat neurri hartzen dituzte:

• Administratiboak: Gobernuek beren enpresei kanpoko merkatuetara hedatzen laguntzen diete.
• Finantzarioak: Interesik gabeko maileguak ematen dituzte.
• Fiskalak: Desgrabazio fiskalak, dirulaguntzak eta zergen itzulketak barne hartzen dituzte. Batzuetan, dumping-aren bidez egiten da (produktuak ekoizpen-kostuaren azpitik saltzea). Gaur egun, beste bi dumping mota ere aipatzen dira: ekologikoa eta soziala.

Ordainketa-balantza

Ordainketa-balantzak ondo islatzen du herrialde batek gainerako herrialdeekin dituen moneta-fluxuen gorabeherak. Bi atal nagusitan banatzen da: kontu korrontearen balantza eta kapital-kontua.

Kontu korrontearen balantza

Herrialde baten ekonomiak bere jarduera arruntean sortzen dituen diru-mugimendu guztiak islatzen ditu: merkataritza, turismoa, errentak, mozkinak, etab. Lau azpiataletan banatzen da:

Merkataritza-balantza

Herrialdeen arteko ondasunen transakzioak neurtzen ditu (esportazioak ken inportazioak).

Zerbitzuen balantza

Herrialdeen artean trukatutako zerbitzuen balioa hartzen du kontuan (atzerritarrek bertan kontratatutako zerbitzuak ken bertakoek atzerrian jasotakoak).

Errenten balantza

Soldatak nahiz mozkinak jasotzen ditu (bertakoek atzerrian jasotako errentak ken atzerritarrek bertan jasotakoak).

Transferentzia-balantza

Ezeren truke egiten diren alde bakarreko ordainketak biltzen ditu. Adibidez: bekak, dohaintzak, dirulaguntzak, etab.

Kapital-kontua

Kapital-eraketarekin edo inbertsioarekin erlazionatutako diru-mugimenduak azaltzen dira. Bi atal ditu:

Kapital-transferentzien kontua

Kontraprestaziorik gabeko kapital-mugimenduak jasotzen dira. Adibidez: FEDER, FEOGA funtsak.

Finantza-kontua

Inbertsioak kontabilizatzen ditu (atzerritarrek hemen egindako inbertsioak ken hemengoek atzerrian egindakoak).