Enpresaren ondare-egoerak eta finantza-oreka
Ondare-egoerak
1. Erabateko finantza-oreka
Egoera hau aktibo ez-korrontea eta aktibo korrontea erabat baliabide propioen bidez finantzatuta daudenean ematen da. Ez dago itzuli beharreko galdagarririk. Normalean, egoera hau enpresa batek bere jarduera hasten duenean ematen da. Balantzeak finantza-oreka totala erakusten du: aktibo totala baliabide propioekin finantzatuta dago, ez zorrekin, eta horrek segurtasun handia ematen du.
2. Finantza-oreka arrunta
Egoera ideala da. Hau aktibo ez-korrontea erabat ondare garbiaren eta pasibo ez-korrontearen bidez finantzatuta dagoenean ematen da. Aldi berean, aktibo korrontearen zati bat (maniobra-funtsa) pasibo ez-korrontearen zati batek finantzatu behar du, eta gainontzekoa pasibo korronteak.
3. Epe laburrerako desoreka
Epe motzerako desoreka finantzarioa da; hau da, aktibo ez-korrontearen zati bat pasibo korronteekin finantzatuta dago. Egoera honek arriskuan jartzen du enpresak epe motzerako ordainketa-betebeharrei aurre egiteko duen gaitasuna. Beraz, hornitzaileekin eta hartzekodunekin dituen zorrak handiagoak dira kobratzeko bezeroen saldoak eta enpresaren altxortegia baino. Enpresak ezin die bere ordainketei aurre egin.
Ordainketa-etendura dagoen enpresa batek likidezia-arazoak ditu epe laburrean. Egoera honetatik atera daiteke finantzaketa iraunkorra edo pasibo ez-korrontea (p. ez k.) handitzen badugu, epe motzean ordaintzeko gaitasuna berreskuratu arte.
4. Epe luzerako finantza-desoreka
Egoera hau kaudimen-arazoek sortutako ezegonkortasun finantzarioaren ondorioz sortzen da. Enpresa deskapitalizatuta dago, ez dauka baliabide propiorik eta bere finantzaketa galdagarria da. Kaudimen-faltak hau esan nahi du: zorrak ordaintzeko edo betebeharrei aurre egiteko, bere aktibo guztia likidatu beharko lukete (porrot-egoeratik gertu).
5. Porrot-egoera
Desoreka finantzario larria da, aktibo erreala pasibo galdagarria (p.g.) baino txikiagoa denean sortzen da, etekinik ematen ez duen aktiboa finantzatzeko erabili delako. Porrot-egoera derrigorrezko prozedura judiziala da, eta helburua enpresaren ondarea likidatzea da hartzekodunei aurre egiteko.