Hasiera / Apunteak / Arteak eta humanitateak /

Velazquez eta Rubensen maisulanak: Bredako Errenditzea eta Hiru Graziak

Arteak eta humanitateak2,8 KB

Bredako Errenditzea (Diego Velazquez)

Margolan hau Diego Velazquezek egin zuen 1634-1635 bitartean (Barroko garaia, Espainia), nahiz eta irudikatzen den gertaera Herbehereetan jazo zen. Gaur egun Madrilgo Museo del Prado-n dago. Gaia historikoa da.

Datu Teknikoak eta Testuingurua

  • Neurriak: 307 x 367 cm.
  • Teknika: Oihal gaineko olio-pintura.
  • Agindua: Felipe IV.a Espainiakoaren aginduz egin zen, Salon de Reinos del Palacio del Buen Retiro apaintzeko.
  • Koloreak: Hotzak.

Analisi Konposizionala eta Gaia

Velazquezek gaia odolik marraztu gabe lantzen du. Bi protagonistak eszenaren erdian daude, eta badirudi etsaiak izan beharrean lagunak direla. Nassauko Justino agertzen da Bredako giltzekin eskuetan, belaunikatzeko mugimendua eginez, baina etsaiak ez dio uzten. Erretratuak errealismo handiz marraztu zituen.

Margolana El Palacio del Buen Retiro-n jarri zutenean ez zegoen sinatuta. Eskuinaldean zati bat utzi zuen data eta sinadura jartzeko, baina azkenean ez zen egin, beste lan batzuekin gertatu zen bezala.

Baliabide Barrokoak

Velazquezek baliabide guztiz barrokoak erabili zituen konposizioan, irudiaren eta ikuslearen arteko mugak ezabatzeko:

  • Pertsonaia batzuek ikusleari begiratzen diote, elementu “sarreragile” gisa agertuz.
  • Zaldia ere, atzealdeko irudibilduan aurkeztuta, baliabide horren adibide da.

Hiru Graziak (Peter Paul Rubens)

Margolan hau Peter Paul Rubensek egin zuen 1635ean Flandrian (gaur egungo Belgika). Arte barrokoa da eta gai mitologikoa du.

Datu Teknikoak eta Estiloa

  • Neurriak: 221 x 181 cm.
  • Teknika: Oihal gaineko olio-pintura.
  • Koloreak: Beroak, distiratsuak eta argiak.
  • Pintzeladak: Luzeak eta askeak.

Analisi Ikonografikoa eta Konposizioa

Margolanean mitologia klasikoko hiru neska agertzen dira: Aglaya, Talia eta Eufrosia (Zeusen alabak). Nesken argia artifiziala dirudi; paisaiarena, aldiz, eguzkiaren argia.

Konposizioari dagokionez, hiru ardatz bertikal makotu daude. Horietako bi profilez daude (bakoitza margolanaren alde batean), eta hirugarrena sorbalda emanez agertzen da, atzera begira.

Atzealdea eta Sinbolismoa

Atzealdea paisaiaz osatuta dago, eta bertan animalia asko ikus daitezke. Paisaia horrek sakontasuna ematen dio margolanari.

  • Margolanaren ezkerraldean zuhaitz bat dago.
  • Eskuinaldean urre koloreko kornukopia bat agertzen da.

Margolana Felipe IV.arentzat egin zen. Gaur egun Museo del Prado-n dago.

Deskargatu

PDF Word HTML