Santo Tomas Akinokoaren Pentsamendua: Politika eta Etika

Politika

Gizakiak animalia politikoa gara, hau da, elkarrekin bizi behar dugu bizirauteko. Gizaki bakoitza gizartean ondo egokitu behar da. Horretarako, Estatua sortzen da, zeinak gizakiari bizitza zuzena eta egokia eskaini behar dion, ongia eta bake kolektiboa bilatuz.

Gobernu motak eta helburua

Hainbat gobernu mota aztertu ondoren, Santo Tomasek monarkia moderatua onena zela eta tirania okerrena zela esan zuen. Berarentzat, bakoitzak helburu bakarra du, eta bizitzaren ondoren ezagut daiteke soilik: Jainkoaren kontenplazioa.

Estatua eta Legea

Ondorio nagusia zera da: Estatuak Elizaren menpe egon behar du. Estatuak jarritako legeak, Lege Positiboak, Santo Tomasen legeak babesten dituzten legeak dira, baina ezin daitezke lege moralen gainetik egon.

Etika

Santo Tomasek Aristotelesek esaten duena berresten du, kristautuz. Munduko gauza guztiek helburu bat dutela pentsatzen du, eta helburu hori betetzeko joera dugula. Unibertsoan Jainkoak ezarritako lege unibertsala dago; honek dena erregulatzen du eta ongira jotzen du.

Giza arima librea denez, askatasun guztiz erabaki dezake lege hau betetzea edo ez, beste era batera esanda, ongia egitea ala ez. Beraz, Jainkoak ongia aukeratzeko aukera ematen digu. Gizakiak lege unibertsala ezagutzea berezkoa du kontzientzia moralaren bitartez, gure izaeran ezarrita baitago lege natural hori.

Lege Naturalaren Mailak (Arau Moralak)

Arau moralak lau mailatan daude:

• Biziraupenerako joera: Honen aurka doana (adibidez, suizidioa) lege naturalen aurkakoa da.
• Ugalketa eta zaintza: Gizakiak, bizirik dagoen gorputzaren jabe den heinean, ugaltzeko joera du. Beraz, ugalketa oztopatzea eta seme-alabak behar diren bezala ez zaintzea lege naturalen aurkakoa da.
• Egia ezagutzeko joera: Gezurrak esatea lege moralen aurkakoa da.
• Animalia soziala: Gizartean bizitzeko joera du. Besteenganako errespetuzko arauen aurka joatea lege naturalen aurkakoa da.

Legeen arteko Harremana eta Helburua

Lege naturalak printzipio orokorrak dira eta lege positiboen bidez garatu behar dira. Lege unibertsalak Jainkoarenganako mugimendu arrazionala da, beraz, Jainkoak gizakiari ezarritako helburua betetzera eramaten gaitu. Lege unibertsalak gizakiaren helburu nagusia betetzera eramaten du, hau da, zoriona, Jainkoa ezagutzera eramaten du.