Planifikazioa: Definizioa, Elementuak eta Helburuak

Planifikazioa

Planifikatzea arrazionalitateak gidatutako prozesua da, eta errealitatearen ezagutzan oinarritzen da. Hainbat erabaki hartu beharreko prozesua da. Hartzen ditugun erabakiak helburuetara zuzenduak daude.

Planifikazioaren Elementuak

• Hasierako diagnostikoa
• Helburuak
• Edukiak
• Metodologia
• Ebaluazioa

Zertarako Planifikatu

• Ikasgelako esku-hartzea planifikatzeko.
• Inprobisazio negatiboa eta zoria ekiditeko.
• Ziurtasun eza galerazteko.
• Programak osatzeko eta koordinatzeko.
• Hausnarketa konpartitzeko eta erabakiak elkarrekin hartzeko.
• Lan taldeak sustatzeko.

Planifikazioaren Hastapen Orokorrak

• Hausnarketa egitea eta erabakiak hartzea.
• Hausnarketa eta erabakiak praktikarekin erlazionatzea.
• Ikastealdeak dituen arazoez eta beharrez ohartzea, eta gure proposamenekin egokitzea.
• Lurraldeari irekitzea.
• Soluzio-bide edo ekintza egingarri eta bideragarriak planteatzea.
• Gure buruari etengabe zergatik eta zertarako planteatzea.
• Norberaren proposamena garatzea eta agertzea.
• Sormenari bidea ematea eta norberaren originaltasunaz jokatzea.
• Kontsentsua lantzea.
• Dokumentu idatzia sortzea eta gure konpromisoa publikoki agertzea.

Gaitasunak

Gaitasuna, testuinguru jakin batean, zereginak edo atazak eraginkortasunez burutzeko zein askotariko egoerei aurre egiteko ahalmena edo trebetasuna da. Horretarako, jarrerak, abileziak eta ezagutzak, aldi berean eta elkarri loturik, baliatu behar dira.

Gaitasun hauek pertsona gisa hazteko, hiritartasun aktiboa landu eta garatzeko, helduarora arrakastaz heltzeko eta bizitza osoan zehar etengabe ikasten jarraitzeko beharrezkoak dira.

Helburuak

Helburuak planifikatutako jardueren garapenaren ondorioz erdietsi nahi ditugun lorpenak dira. Borondatez sortutako ekintza baten ondorioak dira eta nahia edo asmoa adierazten dute.

Helburuen Funtzioak (6)

1. Proiektuaren baitan dauden egitasmoei buruz hausnartzea.
2. Zer egin nahi dugun argitzea.
3. Esanahiak eta asmoak, agian esplizitatu gabeak edo ezkutuak, argitzea.
4. Talde erabakiak bultzatzea, adostasunak lortzea, asmoak kontsentsuatzea.
5. Gure hezkuntza-asmoak esplizitatzea.
6. Proiektuaren gainerako elementuen (jarduerak, baliabideak, ebaluazioa, eta abarren) elaborazioa eta egituraketa gidatzea, erreferentzia markoa eskainiz.