Linfa-sistema eta Barne Ingurunea: Funtzionamendua

Linfa-zirkulazio aparatua

Linfa hodietara sartzen den likido interstiziala da. Linfaren zirkulazioa noranzko bakarrekoa da.

Egiturak

• Linfa-kapilarrak: Ehun guztietan banatuta dauden hodi itsuak, oso meheak eta adarkatuak. Gure gorputzeko zelulen inguruko likido soberakina biltzea da haien funtzioa.
• Linfa-gongoilak: Linfa-hodietan zehar ageri diren zabalgune txikiak dira. Oso ugariak dira galtzarbeetan, izter-ondoetan, lepoan eta arteria eta zain nagusietan. Defentsa-zelula kopuru handia dute; zelula horiek gure organismoa kutsa dezaketen mikroorganismoak eta substantzia arrotzak bilatu, aurkitu eta kanporatzen dituzte. Gongoil horien jarduera handitu eta hantzen dira, horrexegatik uki ditzakegu.
• Linfa-hodiak: Linfa-kapilarrak bateratu eta hodi zabalagoak osatzen dituztenean sortzen dira. Zenbait balbula dauzkate, linfari noranzko bakarrean zirkulatzen uzteko. Odolaren zirkulazio-sisteman amaitzen dira eta hara isurtzen dute beren edukia.

Barne ingurunea eta zirkulazio-aparatua

Barne ingurunea

Zelulak inguratzen dituen likido multzoa da. Organismoko zelulek behar bezala funtzionatuko badute, ezinbestekoa da barne-egiturari aldaketarik gabe eustea eta propietateek gorabeherarik ez izatea. Propietate horiei eusteari homeostasia deritzo, eta organismoko aparatuak eta sistemak arduratzen dira prozesu hori aurrera eramateaz.

Zirkulazio-aparatua

Likido interstizialak, odolak eta linfak osatzen dute barne-ingurunea:

• Likido interstiziala: Zelulak bustitzen ditu.
• Odola eta linfa: Zelulek behar dutena edo baztertzen dutena bildu, banatu eta kanporatu egiten dute, zirkulazio-aparatua sortuz.

1. Odolaren zirkulazio-sistema

Mantenugaiak eta oxigenoa organismo osoan banatzeaz arduratzen da. Metabolismo zelularretik sortutako hondakin-substantziak biltzen ditu eta substantziok kanporatzeaz arduratuko diren organoetara eramaten ditu.

2. Linfaren zirkulazio-sistema

Zelulen artean gertatzen den likido soberakina biltzeaz eta odolera itzultzeaz arduratzen da, baita hesteetan xurgatzen diren gantzak garraiatzeaz ere. Linfa sistema horretan barrena dabilen likido zurixka da.