Euskal Herriko eta Espainiako Klimak eta Landaredia

Euskal Herriko Landaredia

Ozeanikoa

Haritza eta pagadiak dira nagusi. Haritza 300-700 metro artean dago. Gainera, lizarra, astigarra, gaztainondoa eta abar aurki ditzakegu. Pagoak, nahiago du altitudea (700 metro baino gehiago). Haritzak eta pagoak asko bota ziren Aro Modernoan ikatza eta itsasontziak egiteko, eta hazkunde azkarreko beste espezie batzuk landatu ziren: pinua eta eukaliptoa, adibidez. Paduretako eta erriberako landarediak ere badaude. Paduretakoan, oxigeno gutxi kontsumitzen duten landareak: ihiak, salikaria eta abar. Erriberakoan, haltzadiak dira nagusi, lizarrak, sahatsak ere bai.

Trantsiziokoa

Haranetako antzinako haritzak urriak dira gaur egun. Egun, ameztiak eta erkameztiak dira nagusi. Ameztia 600-900 metro artean hazten da, lurzoru azidoetan. Erkameztia baldintza eskasagoetara moldatzen da, nahiago ditu kareharrizko lurzoruak. Pinu gorriak, arteak eta pagoak ere aurki ditzakegu.

Mediterraneoa

Karraskadiak eta sastrakadi mediterraneoa dira nagusi. Karraskadia degradatzean, makia, garriga eta estepa ageri dira. Ohikoak dira, halaber, Alepo pinua eta erriberako landaretza.

Mendikoa

Pagadiak eta pinu gorriak dira nagusi. Pagadiak hezetasun handiko isurialdeetan egoten dira, 600-1500 metro artean. Pinu gorrien pinudiak Pirinioetan ageri dira, 1000-2000 metro artean. Ohikoak dira pinu beltzen pinudiak eta mendilarrea.

Espainiako Klimak eta Landaredia

Klima Ozeanikoa

Iberiar Penintsularen iparraldea, Bizkaiko golkoaren ingurua eta Galizia hartzen ditu.

• Prezipitazioak: Ugariak, erregularrak eta leunak dira. Urteko kopuru osoa 800 mm baino gehiagokoa da, eta urtean 150 egun baino gehiagotan egiten du euria. Eurien banaketa nahiko erregularra da. Fronte polarreko borraskak etengabe jarduten dute. Prezipitazioak leunak dira.
• Tenperatura: Bitarte termikoa txikia da kostaldean eta moderatua barrualdean. Kostaldean, bitarte termiko txikia da, itsasoaren eraginari esker. Uda freskoa eta negua moderatua izaten dira. Barrualdean, bitarte termikoa moderatua da, itsasoaren eragina txikiagoa delako. Negua hotza da.
• Landaredia: Baso hosto-erorkorra: pagoak, haritzak, gaztainondoak. Txilardia eta belardia.

Klima Mediterraneoa, Itsasokoa

Iberiar Penintsulako kosta mediterraneoa, kosta hego-atlantikoa, Balearrak, Ceuta eta Melilla hartzen ditu.

• Prezipitazioak: Urriak eta moderatuak. Kosta hego-atlantikoan, prezipitazioak ugariagoak dira. Maximo nagusia neguan edo udazkenean izaten da. Kosta mediterraneoan, prezipitazioak urriagoak dira. Maximo nagusia udazkenean da.
• Tenperatura: Tenperaturek bitarte termiko moderatua dute.
• Landaredia: Baso hosto-iraunkorra: artea, artelatza, pinua. Sastrakadia: makia, garriga, estepa.

Klima Kontinentalizatua

Iberiar Penintsularen barrualdea da, Ebro haranaren erdiko zatia izan ezik.

• Prezipitazioak: Urriak edo moderatuak. Urtean 800-300 mm artean. Iberiar Penintsularen mendebaldeko sektoreetan, prezipitazioak ugariagoak dira. Maximo nagusia neguan da. Gaztelako eta Ebroren sakonuneen artean, prezipitazioak urriak dira, mendien artean daudelako. Maximoa udaberrian gertatzen da.
• Tenperatura: Bitarte termiko handia. Hiru azpimota bereiz daitezke:
  • Ipar goi-lautadan, Guadalajaran, Teruel eta Cuencako goi-lurretan udak freskoak dira.
  • Hego goi-lautadan eta Ebroren haranaren ertzetan udak beroak eta neguak hotzak dira.
  • Extremaduran eta Andaluziaren barrualdean udak oso beroak eta neguak moderatuak dira.
• Landaredia: -

Klima Lehorra

Iberiar Penintsularen hegoaldea eta Ebro haranaren erdiko zatia hartzen ditu.

• Prezipitazioak: Oso urriak, 300-150 mm artean, estepa-izaera du. Hegoaldean idortasuna dago, itsasartetik sartzen diren borraskek eragiten dituzte prezipitazioak. Gata lurmuturrean basamortuko klima dago. Ebroren haranaren erdiko zatian, mendien artean dagoenez, idortasuna dago. Mendiek borraskak gelditu eta itsasoaren eragina gelditzen dute.
• Tenperatura: Tenperatura aldatu egiten da latitudearen eta itsasora dagoen distantziaren arabera. Hegoaldeko kostako estepa beroan urteko batez besteko tenperatura 17-18 °C-koa da. Neguak leunak dira. Hegoaldearen barrualdeko estepa hotzean eta Ebro haranaren erdiko zatian urteko batez besteko tenperatura 17 °C-tik beherakoa da. Neguak moderatuak eta hotzak dira.
• Landaredia: -

Mendiko Klima

1000 metroko altitudetik gorako lurraldeak hartzen ditu.

• Prezipitazioak: Oso ugariak dira, urtean 1000 mm baino gehiago.
• Tenperatura: Urteko batez besteko tenperatura txikia da eta neguak hotzak dira. Elurra sarritan egiten du.
• Landaredia:
  • Alpetar edo Piriniar mendiak:
    • Oinaldeko estaia: 1200 metro arte, arteak eta haritzak.
    • Estai azpialpetarra: 1200-2400 metro artean, koniferoak.
    • Estai alpetarra: 2400-3000 metro artean, belardia.
    • Elur-estaia: 3000 metrotik gora, elurra urte osoan, landare txikiak (likenak eta goroldioak).
  • Iberiar Penintsulako gainerako mendiak:
    • Oinaldeko estaia: klima bakoitzeko basoak.
    • Basoz gaindiko estaia: zuhaixka txikiak.
    • Tontorrean: belardiak.

Kanarietako Klima

Kanariar uharteetan ematen da.

• Prezipitazioak: Beheko inguruetan prezipitazio urriak. Erdian eta goian prezipitazio ugariagoak.
• Tenperatura: Beheko inguruetan tenperatura beroak urte osoan. Erdian eta goian, tenperaturek behera egiten dute.
• Landaredia:
  • Oinaldeko estaia: sastrakak eta latzak.
  • Erdiko estaia: palmondoak, dragoak eta ipuruak.
  • Estai termokanariarra: laurisilva basoa eta txilardia.
  • Estai kanariarra: pinu kanariarra da nagusi.
  • Estai suprakanariarra: flora-ugaritasun handia dago.