Erresistentzia, malgutasuna eta indar motak: gorputzaren hobekuntza

Laburpena

Dokumentu honek erresistentzia mota nagusiak (anaerobikoa eta aerobikoa), luzaketen eta malgutasunaren arteko aldeak eta indar motak azaltzen ditu. Erresistentzia lanaren ondorio fisiologikoak ere aztertzen dira, batez ere bihotz-arnasketa sistemaren hobekuntza. Ikasleak kirol entrenamenduaren oinarriak ulertuko ditu.

Funtsezko puntuak

Erresistentzia anaerobikoa intentsitate handikoa da eta azido laktikoa sortzen du; ezin da denbora luzez mantendu.
Erresistentzia aerobikoa intentsitate txiki edo ertainekoa da eta denbora luzez mantendu daiteke, gluzidoak eta lipidoak erabiliz.
Erresistentzia lanak bihotzaren bolumena eta miokardioa handitzen ditu eta bihotzaren maiztasuna motelarazten du.
Erreflexu miotaktikoa burmuinak giharra babesteko egiten duen erantzuna da; malgutasun entrenamenduak horri engainatzea du helburu.
Luzaketa berezkoa den luzera berreskuratzeko egiten da (5-8 segundo), malgutasuna hobetzeko berriz gutxienez 30 segundo.
Indar mota nagusiak: indar maximoa, indar lehergarria eta erresistentzia indarra.

Frogatu zeure burua

Erresistentzia motak

Erresistentzia anaerobikoa

Lan gogor bat egiten dugunean, lanaren intentsitateagatik giharretara ez da oxigeno nahikorik iristen, eta horren eraginez azido laktikoa sortzen da.
Lan mota hau ezin da denbora luzez mantendu, nekea berehala sortzen duelako.
Lan honen adibide bat atletismoko 400 metroko lasterketa bat edo igeriketako 200 metroko bat izan daiteke.
Taupadak minutuko 160 baino gehiago izango dira.

Erresistentzia aerobikoa

Intentsitate txikiko edo ertaineko lan bat denbora luzez mantentzea da.
Kasu honetan, giharrei behar duten oxigenoa iristen zaie, eta denbora luzez mantendu daiteke.
Energi iturri gisa gluzidoak eta lipidoak erabili ditzake.
Adibide gisa txirrindulari lasterketa bat, maratoi bat edo mendi txango bat izan daitezke.
Taupadak minutuko 120-160 artekoak badira, oreka egoeran iraungo du.

Erresistentzia lanaren ondorioak

Bihotz-arnasketa sistema hobetuko da.
Bihotzaren bolumena handituko da. Beraz, bihotzak odol gehiago jaso ahal izango du.
Miokardioa indartu eta sendotu egingo da. Beraz, bihotzak odol gehiago bultzatu ahal izango du sistole bakoitzean.
Bihotzaren maiztasuna motelduko da.
Globulo gorriak eta hemoglobina ugalduko dira. Beraz, odolak oxigeno eta elikagai gehiago garraiatu ahal izango ditu. Bestalde, odolak hondakinak hartu, baita kanporatu ere, ahal izango ditu.
Gorputzaren pisua murriztuko da, gantza gutxitu baita.

Erreflexu miotaktikoa

Luzaketak lantzean, normalean guk eginiko mugimenduez baliatzen gara. Gure burmuinak lesioa sortzeko arriskua aurreikusten duenean, mugimendu hori geldiarazten du. Horri deritzo erreflexu miotatikoa. Malgutasuna garatzeko entrenamendu sistema guztiek erreflexu horri engainatzea dute helburu. Horretarako, mugimendu zabalak eta motelak egin behar dira, burmuinak lesio arrisku hori ez sentitzeko eta mugimendua bere zabaltasun osoan egin dezagun baimentzeko, luzaketa maximora iritsi ahal izateko. Errebote sistema erreflexu hau behin eta berriro ari da aktibatzen, eta horregatik ez da hain gomendagarria.

Luzaketak eta malgutasuna

Ariketa berdina izan arren, adibidez, kuadrizepsaren luzaketa, bi era ezberdinetan landu dezakegu, helburu ezberdinarekin.

Berotzean, klase edo kirol ostean egitean, gure helburua giharra berezkoa duen luzerara itzultzea da, kirola egiten dugunean uzkurtuta gelditzen baita. Kasu honetan, luzaketa (estiramiento) deritzogu, eta 5-8 segundo artekoa izango da, mina sortu gabe.
Ariketa berdina egunero egiten badugu eta gogorrago lantzen badugu, giharraren malgutasuna hobetuko dugu, hau da, berezkoa duen luzera baino handiagoa lortuko dugu. Kasu honetan, eta metodoak kontuan hartuta, gutxienez 30 segundo iraun behar du, eta mina sentituko dugu (neurri batean). Malgutasuna hobetzeko luzaketak izango dira hauek (malgutasunaren lanketa espezifikoa).

Indar motak

Indar maximoa

Gainditu beharreko erresistentzia edo pisua oso handia da, ia pertsona egin dezakeenaren maximora iristen da.
Adibide moduan, harri-jasotzaile bat edo halterofilia egiten duen kirolari bat aipa daitezke.

Indar lehergarria

Ahalik eta indar gehiena oso denbora laburrean egiteari deitzen zaio. Mugimenduak oso azkarrak izaten dira.
Adibidez, jauzi bat edo jaurtiketa bat egiten dugunean.

Erresistentzia indarra

Giharra askotan uzkurtzeko gaitasunari deritzo.

Ohiko galderak

Zein da erresistentzia aerobikoaren eta anaerobikoaren arteko aldea?

Erresistentzia anaerobikoan oxigeno nahikoa ez da iristen eta azido laktikoa sortzen da, beraz nekea azkar agertzen da. Aerobikoan, intentsitate txikiagoarekin, oxigenoa nahikoa da eta denbora luzez iraun daiteke.

Zer da erreflexu miotaktikoa?

Burmuinak lesio arriskua antzematen duenean giharra luzatzea geldiarazten duen erreflexua da. Malgutasuna lantzeko mugimendu zabal eta motelak egiten dira erreflexu hori engainatzeko.

Zein da indar lehergarriaren adibidea?

Ahalik eta indar gehiena denbora oso laburrean egitea da, adibidez jauzi bat edo jaurtiketa bat egitean.