Kirol entrenamenduaren printzipioak eta kualitate fisikoak

Laburpena

Dokumentuak kirol entrenamenduaren oinarrizko kualitate fisikoak (indarra, abiadura eta erresistentzia) azaltzen ditu, horiek eragiten dituzten barneko eta kanpoko faktoreekin batera. Gainera, kirolariaren parte-hartzea eta entrenamenduaren printzipio nagusiak aztertzen ditu: alde anitzetakoa, progresioa, atsedena, jarraikortasuna, banakotasuna eta aldakortasuna. Ikaslea printzipio horiek nola aplikatu behar diren ulertuko du.

Funtsezko puntuak

Oinarrizko kualitate fisikoak: indarra, abiadura eta erresistentzia.
Kualitate fisikoen barneko faktoreak: arnas aparatua, sistema kardiobaskularra, nerbio sistema, gihar sistema eta hezur sistema.
Kanpoko faktoreak: giroa, elikadura eta herentzia; herentzia ez da hobetu daitekeen faktorea.
Kirolariak parte-hartze aktiboa izan behar du, helburuak argi zehaztuz eta emaitzak ezagutuz.
Entrenamenduaren printzipio nagusiak: alde anitzetakoa, progresioa, atsedena, jarraikortasuna, banakotasuna eta aldakortasuna.
Entrenamendu jarraitua behar da; denbora luzez entrenatu gabe lortutako maila galtzen da.

Frogatu zeure burua

1. Funtsezko fisiko-kalitateak: indarra, abiadura, erresistentzia

Indarra: Esfortzu muskular baten bidez kanpoko erresistentzia bat mantentzeko, apartatzeko edo gainditzeko ahalmena. Indarra izan daiteke: egonkorra, mugikorra, motela, azkarra, lehergarria.

Abiadura: Denbora laburrenean erantzun bat bilatzeko edo garatzeko ahalmena. Abiadura izan daiteke: lekualdatzekoa, keinuzkoa, erreakziozkoa, buruzkoa.

Erresistentzia: Esfortzu bat ahalik eta denbora luzeenean mantentzeko ahalmena (aerobikoa / anaerobikoa).

2. Oinarri-efektuak: oinarrizko kualitate fisikoen faktoreak

Bi faktore multzo dira nagusi kualitate fisikoetan:

Barneko faktoreak

Arnas aparatua
Sistema kardiobaskularra
Nerbio sistema
Gihar sistema
Hezur sistema

Kanpoko faktoreak

Giroa
Elikadura
Herentzia

Bi faktore hauek eragin positiboa izango dute, zalantzarik gabe, kualitate fisikoen garapenean eta hobekuntzan. Esandako faktoreak hobetu daitezke, herentzia izan ezik.

4. Kirol entrenamenduaren printzipio nagusiak

4.1. Parte-hartze aktiboa eta kontzientea

Kirolariak prozesu guztiaren erdigunea izan behar duenez, berak parte-hartze aktiboa izatea ezinbestekoa da. Kirolariaren eta entrenatzailearen arteko harremana errespetuzkoa eta lagunartekoa izan behar da.

Harreman finko hau elkar informatzean eta elkarren arteko programaketan oinarritu behar da. Horren barnean izan daitezke:

Bien arteko edo taldeko kideekin helburuak argi zehaztea.
Entrenamendu prozesuko saio eta aktibitate zehatz bakoitzaren zergatia ezagutzea.
Entrenamendu eta txapelketako emaitzak ezagutzea. Kirolariak bere lorpen-mailak ezagutu behar ditu eta behin eta berriz, lortu nahi denaren eta lortutakoaren erreferentziak izan behar ditu.

Entrenamenduaren printzipio nagusiak

Entrenamendu batek emaitza egokiak emateko arau edo printzipio batzuk bete behar ditu. Hona hemen printzipio nagusiak:

Alde anitzetako printzipioa (multilateral)

Entrenatzen hasten garen lehenengo urteetan entrenamendua orokorragoa izan behar du, gaitasun guztiak modu orokorrean garatuz. Urteekin espezializatzen joango gara, norberaren kirol eta espezialitatera egokituz.

Progresio printzipioa

Entrenamenduak sinple eta errazetatik hasi behar du, eta geroago konplexuagoetarako pasatu. Kirolariaren errendimendua hobetzen doan heinean, entrenamenduaren karga progresiboki handitu behar da: hasieran bolumenari eman garrantzia eta ondoren intentsitateari. Kargaren handitze hau modu progresibo eta lasai batez egin behar da, ez modu bortitzean.

Atseden printzipioa

Entrenatzea bezain garrantzitsua da haren ondorengo atsedena; atseden egokia gabe ez dago hobekuntzarik.

Jarraikortasun printzipioa

Entrenamendua eraginkorra izan dadin saioak jarraituak izan behar dira. Denbora luzez entrenatu ezeak ordura arte lortutako maila gutxitzea dakar. Ez du zentzurik egun batean entrenatzea eta hurrengoa hamabost egun barru egitea.

Banakotasun printzipioa

Kirolari bakoitzak berezko ezaugarriak ditu; beraz, entrenamendua bere ezaugarrietara egokitu behar da. Horrela, entrenamendu bera ez litzateke baliagarria izango bi kirolari ezberdinetarako.

Aldaera (Aldakortasun) printzipioa

Entrenamendurako aukeratzen ditugun ariketak ezberdinak izan behar dira, monotonian erori ez gaitezen. Helburu berdin bat lortzeko lan mota ezberdinak erabili eta tartekatu ditzakegu.

4.1 atalean eta hemen jasotako printzipioak praktikan jartzeak entrenamenduaren kalitatea handitzen lagunduko du, kirolariaren errendimendua eta osasuna hobetuz.

Ohiko galderak

Zein dira kirol entrenamenduaren oinarrizko kualitate fisikoak?

Indarra, abiadura eta erresistentzia dira oinarrizko kualitate fisikoak. Indarra kanpoko erresistentzia bat gainditzeko ahalmena da, abiadura denbora laburrenean erantzuteko ahalmena eta erresistentzia esfortzu bat denbora luzean mantentzeko ahalmena.

Zein faktorek eragiten diote kualitate fisikoen garapenari?

Barneko faktoreak (arnas aparatua, sistema kardiobaskularra, nerbio sistema, gihar sistema eta hezur sistema) eta kanpoko faktoreak (giroa, elikadura eta herentzia) dira. Herentzia izan ezik, faktore guztiak hobetu daitezke.

Zer esan nahi du progresio printzipioak?

Entrenamenduak sinpletik konplexurako bidea egin behar du eta kargak modu progresibo eta lasaian handitu behar dira. Hasieran bolumenari garrantzia eman behar zaio eta gero intentsitateari.