Produktuen Sailkapena: Kontsumo eta Industria Produktuak
Produktu eta Zerbitzuen Sailkapena
Produktuak eta zerbitzuak funtsezko bi kategoriatan sailkatzen dira, zein kontsumitzaile-motak erabiltzen dituen kontuan hartuta:
- Kontsumo-produktuak
- Industria-produktuak
Kontsumo-produktuak
Azken kontsumitzaileak bere kontsumorako erosten dituen produktuak dira.
Kontsumo-produktuen artean daude:
- Komenentziazko produktuak
- Alderapeneko produktuak
- Espezialitateko produktuak
- Bilatzen ez diren produktuak
Komenentziazko produktuak
Kontsumitzaileek sarritan, berehala eta alderatzeko edo erosteko ahaleginik txikienarekin erosten dituzten kontsumo-produktuak.
Prezio merkeak izan ohi dituzte eta salmenta-toki askotan egoten dira presente, kontsumitzaileek behar dituztenean eskuragarri izan ditzaten.
Alderapeneko produktuak
Kontsumo-ondasunak. Horiek aukeratzeko eta erosteko prozesuan, bezeroak alderatu egiten ditu egokitasunaren, kalitatearen, prezioaren eta estiloaren irizpideak kontuan hartuta.
Denbora gehiago eskaintzen zaie informazioa bildu, alderatu eta erosteko erabakia hartzerakoan. Adibidez: altzariak, arropa, hoteletako zerbitzuak, etxetresna elektrikoak…
Espezialitateko produktuak
Ezaugarri edo marka bereziak dituzten kontsumo-produktuak, bakarrak; kontsumitzaile-talde jakin bat horiek erosteko ahalegin berezia egiteko prest dago.
Adibideak: marka zehatzak eta auto-motak, argazki-ekipo garestiak, diseinuko arropa eta osasun- edo lege-zerbitzu adituak. Normalean, erosleek ez dituzte espezialitateko produktuak alderatzen.
Bilatzen ez diren produktuak
Kontsumitzaileak ezagutzen ez dituen kontsumo-produktuak edo, ezagutu arren, normalean erosteko asmorik ez dituztenak.
Adibideak: bizitza-aseguruak edo aldez aurretik pentsatutako ehorzketa-zerbitzuak. Berez ezaugarriengatik, bilatzen ez diren produktuek publizitate asko, banakako salmenta eta marketineko bestelako ahalegin gehigarriak behar dituzte.
Industria-produktuak
Gizabanakoek edo erakundeek erosten dituzten produktuak, ondorengo ekoizpen-prozesuan erabiltzeko edo negozioak egiteko.
Erakundeak, Pertsonak, Tokiak eta Ideiak
Azken urteetan, produktu kontzeptua zabaldu egin da, marketineko beste eskaintza batzuk ere sartzeko: erakundeak, pertsonak, tokiak eta ideiak.