Nazioarteko Erakunde Ekonomikoak eta Truke Tasak
Nazioarteko Erakunde Ekonomikoak
Munduko Merkataritza Erakundea (MME/OMC)
1995ean sortu zen. Merkataritza askea sustatu eta hazkunde ekonomikoa bultzatu nahi du. Nazioen arteko merkataritza-legeez arduratzen da eta herrialde aberats zein multinazionalen alde egiten du. 153 estatu kide ditu eta Suitzan du egoitza.
Nazioarteko Diru Funtsa (NDF/FMI)
1944an sortu zen (Bretton Woods). Herrialdeen finantza-egonkortasuna ziurtatzea, nazioarteko salerosketak erraztea eta pobrezia murriztea du helburu. Finantza-zailtasunak dituzten herrialdeei laguntzen die. 185 estatu kide ditu eta Washingtonen du egoitza.
Munduko Bankua (MB)
1944an sortu zen (Bretton Woods). Kredituak ematen ditu, interes gutxikoak, eta pobreziaren aurka borrokatzen du. Kritika zorrotzak jaso ditu.
Zortziko Taldea (G-8)
Munduko estatu aberatsenen koalizioa da (AEB, Japonia, Alemania, Erresuma Batua, Frantzia, Italia, Kanada eta Errusia). Herrialde horien agintarien batzarra da eta botere handia du.
Eskualdeko Blokeak
Garapen-maila antzekoa duten herrialdeen taldeak dira, merkataritzako mugak kentzeko elkartzen direnak:
- Europar Batasuna: 27 estatu kide. Moneta euroa da (17 Eurogunean).
- NAFTA: Estatu Batuak, Mexiko eta Kanada elkartu dira merkataritza askerako.
- MERCOSUR: Argentina, Brasil, Paraguai, Uruguai, Venezuela eta Bolivia elkartu dira merkataritza askerako.
- ASEAN: Asiako 10 herrialde elkartu dira.
- CEI: Sobietar Batasuneko ohiko herrialdeak.
Truke Tasen Sistemak
- Truke tasa malgua: Truke-tasa dibisen merkatuan eskariaren eta eskaintzaren arabera ezartzen da.
- Truke tasa finkoa: Truke-tasa banku zentralak ezartzen du. Merkataritza-elkartrukea erraztu eta ziurgabetasuna murrizten du.
- Flota zikina: Truke-tasa dibisen merkatuan ezartzen da, baina banku zentralak esku hartzen du tasa muga batzuetatik irteten denean.
- Truke-tasa finko baina doigarria: Epe laburrean truke-tasa finko mantentzen du banku zentralak, baina epe luzean ordainketa-balantzan desorekak daudenean aldatu dezake.