Munduko Biztanleriaren Banaketa, Faktoreak eta Arazoak

Biztanleriaren Banaketa eta Faktoreak

Munduan 7.300 milioi pertsona baino gehiago bizi dira, baina ez daude berdin banatuta.

Faktore Fisikoak

• Klima: Normalean jendea eremu epeletan bizi da.
• Erliebea: Eremu jakin batzuetan kokatzen gara gehienbat, kostaldean edo haranetan, adibidez. Mendian jende gutxiago bizi da.
• Lurzorua: Nahiago ditugu lur emankorrak nekazaritza egin ahal izateko.

Giza Faktoreak

• Faktore politikoak: Gobernuen erabakiek eragin handia dute demografian.
• Baldintza ekonomikoak: Lan-jarduera, zerbitzuak eta baliabideak dauden lekuak gustuko ditugu.
• Garapen teknologikoak: Aurrerapen teknikoei esker, faktore fisikoak aldatu daitezke.

Banaketaren Ezaugarriak

• Biztanleriaren zatirik handiena Ipar Hemisferioan bizi da.
• Itsasotik hurbil dauden eremuetan jende gehiago bizi da.
• Biztanleriaren kontzentrazioa: Biztanleriaren gehiengoa lurraldearen %20an bizi da.
• Biztanleriaren erdia baino gehiago hirietan bizi da.

Biztanle Dentsitatea

Kilometro karratu batean zenbat biztanle dauden adierazten du. (Biztanle kopurua / km²).

Munduan dentsitate handieneko lekuak:

• Ipar Amerika
• Europa
• Ekialdeko Asia
• Gineako Golkoa
• Brasilgo kostaldea
• Hegoaldeko Asia

Munduko Eskualde Demografikoak

Munduan 7.300 milioi pertsona bizi dira. Batez besteko datu orokorrak:

• Berezko hazkundea: %1,2
• Jaiotza-tasa: 20
• Heriotza-tasa: 8
• Haurren heriotza-tasa: 38

Afrika

Heriotza- eta jaiotza-tasa oso altuak dira, baita berezko hazkundea ere. Biztanleria orokorrean gaztea da, eta Nigeria da herrialderik jendetsuena.

Amerika

Alde handiak daude Ipar, Erdi eta Hego Amerikaren artean. Jaiotza- eta heriotza-tasak ez dira oso handiak, ezta berezko hazkundea ere. Herrialderik jendetsuenak AEB, Mexiko eta Brasil dira.

Europa

Berezko hazkunde oso baxua du (%0,1), eta zenbait herrialdetan negatiboa da. Hori gertatzen da heriotza-tasa jaiotza-tasa baino altuagoa denean. Errusia da lekurik populatuena, baina Alemanian, Frantzian, Italian eta Britainia Handian ere dentsitate handia dago.

Asia

Munduko biztanleriaren %60 bizi da hemen (4.400 milioi pertsona). Jaiotza-tasa altua da eta heriotza-tasa oso baxua. Berezko hazkundea %1,1ekoa da. Txina eta India dira munduko bi herrialde jendetsuenak.

Ozeania

Biztanle kopuru txikiena du (%0,5). Berezko hazkundea %1,2koa da, baina biztanle-dentsitatea oso baxua da (Australian, adibidez, 3 biztanle/km²).

Arazo Demografiko Nagusiak

Hazkundearen eta Baliabideen Arteko Aldea

Herri azpigaratuetan biztanleria azkar hazten ari da, baina ez dute kontuan hartzen baliabide ekonomikoak eta elikagaiak ekoizteko edo erosteko gaitasuna. Goseteak gerta daitezke. Aukerarik ez dagoenez, herrialde hauetako biztanleria migratzen ari da.

Biztanleriaren Zahartzea

Herrialde garatuetan bizi-itxaropena luzatu egin da eta jaiotza-tasa oso baxua da; horregatik, biztanleria nahiko zahartuta dago. Horrek gure pentsio-sistema eta osasun-sistema arriskuan jartzen ditu. Arazo honi aurre egiteko, laguntza ekonomikoak ezar daitezke haurrak dituzten pertsonentzat.

Garapen Maila Desberdinak

Maila neurtzeko Giza Garapen Indizea (GGI) erabiltzen da. Datu ekonomikoak, sozialak eta kulturalak hartzen ditu kontuan, besteak beste:

• Bizi-itxaropena
• Haurren heriotza-tasa
• Biztanleriaren diru-sarrera
• Alfabetatze-maila edo eskolatze-urteak