Merkatu eta Finantza Kontzeptuak: Gida Osoa

Gaia: Merkatua eta Marketing Kontzeptuak

Merkatua

Salerosketa gertatzen den ingurune ekonomikoa da, non ondasunak balio baten truke trukatzen diren.

Merkatu Kuota

Enpresa batek jarduera ekonomikoan duen eragina neurtzen du. Formula: (Enpresaren merkatua / Merkatu osoa) x 100.

Merkatu-Azterketa

Ingurune orokorrari, lehiakortasunari eta kontsumitzaileari buruzko informazioa jaso, landu eta aztertzean datzan prozesua da.

Lehiakidea

Merkatu berean produktu edo zerbitzu berdina eskaintzen duen erakundea edo pertsona da.

Merkatu-Segmentazioa

Merkatua talde homogeneotan banatzea da, kontsumitzailearen beharrak betetzen dituen produktuaren ezaugarriak ezagutarazteko eta hauen eskuetara heltzeko jarraitu beharreko bidea bezero motak baldintzatuko baitu.

Marketinga

Etekina lortzeko helburuarekin, enpresa batek kontsumitzailearen beharrak eta nahiak betetzeko garatzen duen jarduera multzoa da.

Marketing Mix

Helburua kontsumitzaileen arreta erakartzea du.

Produktua

Enpresak objektu horren bidez merkatuan eragin dezakeen elementua da. Erosi nahi den guztia da produktua, kontsumitzailearen premia bat betetzen duena.

Produktu Desberdindua

Produktu baten ezaugarri bat edo gehiago aldatuz lortzen diren ondasunak edo zerbitzuak dira.

Marka

Izena, terminoa, sinboloa edo diseinua izan daiteke, edota enpresak fabrikatzen dituen ondasun eta zerbitzuak identifikatzen saiatzen diren elementu guztien konbinazioa da.

Merchandisinga

Salmenta-puntu batean produktu bat saltzen laguntzen duten baliabideen multzoa da.

Handizkariak

Banaketa-kanalaren zeharkako kanalean parte hartzen duten erakundeak dira, eta, normalean, txikizkari bati saltzen diote beraiek aurretik erositako ondasuna.

Txikizkariak

Banaketa-kanalaren zeharkako kanalaren barruan parte hartzen dutenak eta zuzenean kontsumitzaileari eskaintzen diotenak beren ondasuna.

Gaia: Finantzaketa eta Inbertsioa

Baliabide Propioak

Enpresaren baliabiderik egonkorrena da, enpresak ez baitu inoiz itzuli behar. Bestalde, baliabiderik arriskutsuena ere bada, enpresak porrot eginez gero, bazkideak azkenak izango baitira enpresaren likidaziotik dagokien zatia jasotzen.

Erreserbak

Enpresak banatu ez dituen irabazietatik datoz, eta barne autofinantzaketaren parte dira. Mota ezberdinetakoak izan daitezke: legezkoak, estatutuzko erreserbak eta borondatezkoak. Erreserbak enpresan gertatzen diren irabaziak dira; hauekin inbertsio gehiago egin daitezke, eta, beraz, hazkundeari mesede egiten diote.

Finantzaketa

Enpresak diru-beharrei aurre egiteko eskura dituen baliabide likidoei edo ordainbideei esaten zaie.

Inbertsioa

Enpresek edo partikularrek egiten duten ekintza da, ondoren, inbertitutako diru horretatik etekinak lortzeko.

Renting

Epe ertain eta luzerako ondasun higigarrien alokairu modu bat da. Errentariak epe jakin batean errenta finko bat ordaintzeko konpromisoa hartzen du, eta renting enpresak, berriz, zerbitzu batzuk eskaintzeko konpromisoa hartzen du. (alokairua erosteko eskubiderik gabe).

Faktoring

Enpresak bezeroengan dituen kreditu-eskubide guztiak “factor” izeneko enpresa bati saltzen dizkio, berehalako likidezia ematen dio enpresari, eta ezordainduen eta berankortasunaren arazoa ekiditen dio.

Leasing

Finantzaketa sistema honen bidez, enpresek ondasunak eskuratu ditzakete errentamendu-kuota baten truke, kontratuaren amaieran erosteko aukerarekin. (alokairua erosteko eskubidearekin).