Logistika, Lehia Abantaila eta Enpresa Kudeaketa
Logistika Enpresaren Ikuspuntutik
Zer da logistika enpresaren ikuspuntutik?
Logistika, materialen hornikuntza, ekoizpena, biltegia eta produktuen banaketari dagokionez, enpresak duen antolakuntza-sistema da. Jarduera hauek modu eraginkorrenean eta ekonomikoenean burutzeaz arduratzen da.
Zein da logistikaren helburu nagusia?
Helburua da:
- Material hoberenak kostu txikienean lortzea.
- Baliabideak modu eraginkorrenean erabiltzea.
- Gure produktuak une eta baldintza egokietan, garraio kosturik txikienean, bezeroei entregatu ahal izatea.
Zergatik da funtsezkoa lehiakortasun estrategian?
Produktuaren azken kostuan eragin zuzena duelako.
Zein hitzekin lotu dezakegu logistika? Zergatik?
Integrazioa. Enpresaren ohiko jarduerak banaka hartzea utzi egin delako eta, aldiz, jarduerak elkarlotuta lantzen direlako, ahalik eta modu eraginkorrenean eta ekonomikoenean burutzeko asmoz.
Lehia Abantaila eta Kontzeptu Garrantzitsuak
Zer da lehia abantaila?
Enpresaren lehiakideek ez dituzten baliabide, ezaugarri edota ezagutzak lortzean datza. Bezeroak horretaz jabetzen direnean esango dugu lehia abantaila dugula.
Zein lehia abantaila garatu behar ditu enpresak?
Bi dira nagusiak:
- Kostuen murrizketa: Salmenta prezioa murrizteko aukera ematen duelako.
- Denboraren murrizketa (Lead Time): Errotazioak handiagoak direlako.
Zer da Lead Time?
Hornikuntzak hasi eta prozesu guztia amaitu arte, hau da, bezeroari produktuak entregatu arteko denbora da.
Zer da inbentarioaren errotazioa?
Zenbat aldiz berritzen den biltegiko materiala denboran zehar (urtean zehar).
Zer da Just in Time sistema?
Ekoizpena optimizatzea du helburu. Ekoizpenerako materialak justu beharra sortzen den unean hornituko dira, horrela soberakinak eta alferrikako ekintzak ekiditen dira. Behar den materiala, behar den unean eta behar den kopuruan ekoiztuko da.
Michael Porter: Jardueren Bereizketa
Michael Porterrek lehen mailako jarduerak eta jarduera lagungarriak bereizten ditu. Zergatik?
Lehen mailako ekintzak logistikak koordinatzen dituenak dira (hornikuntza, ekoizpena, banaketa, marketing eta salmenta, eta saldu ondoko zerbitzua). Aldiz, jarduera lagungarriak aurrekoen euskarri dira eta enpresaren funtzionamendu zuzena bermatzen dute.