Lehen Mundu Gerraren ondorio nagusiak
Demografikoak
- 9 milioi hildako inguru; jende asko elbarri eta zaurituta.
- 1918ko gripea azkarrago hedatu zen, elikagaien urritasunaren eta osasun-gabeziaren ondorioz (Europan 6 milioi hildako, munduan 22 milioi).
- Hurrengo belaunaldietan, jaiotza-tasen, biztanleria aktiboaren eta kontsumitzaileen jaitsiera.
Ekonomikoak
- Ekoizpen-baliabideen (industriak, fabrikak, landutako eremuak) suntsipena.
- Garraiobideen suntsipena (errepideak, trenbideak).
- Egoera oso larria Frantziako eta Italiako iparraldeko nekazaritza eta industria-eremuetan, baita Errusia mendebaldean ere.
- Kostu finantzario oso handiak gerrarako (260.000-380.000 milioi).
- Barneko zor publikoa handitu eta AEBri maileguak eskatu, kostu finantzarioak ordaintzeko.
- Ondorioz, Europako herrialdeak erabat zorpetuta geratu ziren.
- Europaren nagusitasuna galdu eta AEB zein Japonia nagusitu ziren.
- AEB lehen potentzia nagusia bihurtu zen; bertako BPG ia bikoiztu egin zen.
- Japoniaren garapena merkataritzan eta industrian: esportazioak handitu eta merkatuak zabaldu zituen (Pazifikoan, Txinan eta Asiako hego-ekialdean). Ondorioz, Erresuma Batuarekin eta Frantziarekin lehian sartu zen.
Sozialak
- Dirudunen eta pobreen arteko gatazka.
- Merkatariak, bankariak eta jabe handiak aberastu egin ziren, gerrarako eskarien ondorioz.
- Gainontzeko biztanleria pobretu egin zen eta bizi-maila asko jaitsi zen.
- Erdi mailako klaseek jasan zituzten ondorio gehienak (langabezia, prezioen gorakada eta erosteko ahalmenaren jaitsiera).
- Gizonezkoenak ziren lanpostu asko emakumeek okupatu zituzten. Emakumea lan-munduan sartzea oso baliagarria izan zen emakumeen emantzipazioa lortzeko borrokari berrekiteko.
- Emakumeen boto-eskubidearen lorpena.
Politikoak
- Alemaniako antzinako inperioa desagertu eta II. Reicha ezarri zen.
- Austria-Hungaria desagertu eta bertako lurraldeetan errepublikak ezarri ziren (Austria, Hungaria, Errumania, Txekoslovakia).
- Inperioek menderatutako lurraldeetan konstituzio demokratikoak ezarri ziren.
- Turkiar inperioa desagertu eta bertako lurraldeak estatu bihurtu ziren edo beste potentzia batzuen menpe geratu ziren.
- Hainbat estatu berri sortu ziren: Polonia, Estonia, Letonia, Lituania, Finlandia, Txekoslovakia, Jugoslavia eta Hungaria.
- 1929an, Europa 28 estatuz osatuta zegoen; horietatik 26 estatu parlamentarioak ziren eta gehienetan sufragio unibertsala ezarri zen.