Inbertsioen sailkapena eta mailegu-terminoa

Inbertsioen sailkapena

Irizpide hauen arabera sailkatzen dira.

Likidezia

Likidezia: inbertsio batek diru bihurtzeko duen gaitasuna da. Likidezia askoko inbertsioak interesgarriak dira, inbertitzaileak dirua eskura erraz izan nahi badu.

Segurtasuna

Segurtasuna: inbertsio orok dauka espero baino gutxiago eskuratzeko arriskua, eta gerta daiteke dirua galtzea ere. Arriskua zenbat eta txikiagoa izan, orduan eta seguruagoa da inbertsioa, eta alderantziz.

Errentagarritasuna

Errentagarritasuna: hasierako inbertsioaren gainean etekin gehigarriak lortzeko gaitasuna da.

Mailegu kontratuan agertzen diren termino ohikoenak

• Printzipala: mailegatu den diru kantitatea da. Haren gainean kalkulatzen dira maileguaren interesak.
• Maileguaren interes nominala: dirua alokatzearen kostua erakusten duen ehunekoa.
• Epea: mailegua ordaintzeko hitzartutako denbora-epea.
• Mailegu emailea: dirua uzten duen pertsona edo finantza-erakundea.
• Mailegu hartzailea: maileguko dirua jasotzen duen pertsona edo enpresa.
• UTBa: maileguaren interesa, komisioak eta gastuak adierazle bakar batean biltzen dituen tasa da.
• Komisioak: aparteko gastuak —azterketa, irekiera edo ezeztatzearekin lotutakoak—.
• Beste gastu batzuk: notario-gastuak eta ordainketak ziurtatzeko aseguruak.

Zein dira zorrik ohikoenak?

• Hipoteka maileguak

  Etxearen erosketari lotutako maileguak dira; etxeak berak babesten du haren ordainketa. Interes-tasa txikia izaten da.

• Mailegu pertsonalak edo kontsumorako

  Hipotekarekin batera mailegu kontratu ohikoena da; gastu jakin baterako erabiltzen da: autoa, ikasketak eta bidaiak. Interes-tasa ertaina du.

• Kreditu txartelak

  Kreditu txartelen erabileraren aukeretako bat da bankuei egin beharreko ordainketak atzeratzea da; hileroko kuota finkoen bidez mailegu bat balitz bezala kudeatzen da. Interes-tasa handia du.

• Beste saltoki batzuen txartelak

  Kreditu txartelen antzeko funtzionamendua dute, baina dagokion saltokian soilik funtzionatzen dute. Interes-tasa txikia izaten da.

• Banku-kontuko zorpekoak

  Zenbaki gorriak ere esaten zaie; bankuko kontuan dagoena baino gehiago gastatzen denean sortzen dira. Interes-tasa oso altua da.

• Kreditu azkarrak

  Kopuru txikiko kredituak ematen dira eta denbora epe txikian itzuli behar dira; baina interes-tasa, bereziki UTBa, izugarri handia izaten da.