Iberiar Penintsula Hezeko Nekazaritza-Paisaia

Ipar eta Ipar-mendebaldea (I-IM) hartzen ditu.

Ingurune fisikoa

• Malkartsua: leku lau gutxi ditu.
• Klima ozeanikoa: euritsua urte osoan eta tenperatura epelak.

A. Nekazaritza-egitura

Biztanleria

• Zahartuta eta urria.
• Lehen ugaria zen, baina biztanleak emigratzera behartuta ikusi ziren.
• Biztanleria sakabanatua: herrixka, auzo, parrokia eta herrietan oinarrituta.

Ustiategiak: Minifundioak

• Lursail txikiak dituzte, hesien bidez banatuak.
• Mekanizazio zaila; ondorioz, errentagarritasun gutxi.
• Partzela-kontzentrazioko planek porrot egin dute.

Lurzoruaren erabilera

Iraganean: polilaborantza zegoen, iraupen-nekazaritza bat aurrera eramanez. Soro txikietan honako hauek landatzen ziren:

• Barazkiak eta frutak.
• Artoa eta patata.
• Mahatsondoa (Galizian).
• Lur okerragoetan: garagarra eta zekalea.
• Animaliak ere hazten zituzten ekonomia osatzeko.
• Kontsumorako zen gehiena eta zati txiki bat saltzen zen merkatuan.

Gaur egun: Espezializazioa ematen ari da baratze-laboreetan eta bazketan.

B. Nekazaritza

• Azalera txikia hartzen du, kostaldeko haranen behealdean. Barrualdean oso aprobetxamendu txikia du.
• Lehorreko nekazaritza da, prezipitazioak erregularrak baitira.
• Iraganean: polilaborantza (autohornikuntzarako). Baratzetan barazkiak eta frutak; artoa, patata, fruta-arbolak eta mahatsondoa lur onenetan; lur txarretan garagarra edo oloa.
• Gaur egun: Baratzeko laborantzan eta bazka-laborantzan espezializatu dira, abeltzaintzari esker.

C. Abeltzaintza

Nekazaritza-jarduerarik garrantzitsuena da. Faktore hauek mesede egiten diote:

• Klimak.
• Hirien esne eta haragi eskariak.
• Eskulan gutxi behar izateak (biztanleria urria denez).

Egoera eskualdeka:

• Galizian: familia-ustiategi txikiak.
• Bizkaiko golkoan: modernizatu egin dira; hala ere, baserri txikietan modu partzialean egiten jarraitzen da.

Behi-azienda da nagusia:

• Haragirako zekorrak: ustiapen estentsiboan edo erdi-estentsiboan.
• Esne-behiak: modu intentsiboan ustiatzen dira.

D. Basogintza

Bere garrantzia nabarmen galdu du. Gaur egun, altzarietarako eta papera egiteko erabiltzen da.