Euskal Herriko Zerga Nagusiak: Gida Praktikoa

Euskal Herrian aplikatzen diren zerga nagusien gida praktiko bat aurkezten dizugu. Zerga bakoitzaren ezaugarri nagusiak, jasotzailea, zergaduna eta oinarri ezargarria zehazten dira, baita kasu bakoitzeko ohar eta salbuespen garrantzitsuak ere.

Sozietateen Errenten gaineko Zerga (SZ)

Merkataritza sozietateek lortzen dituzten onurengatik ordaintzen duten zerga da, lortutako onuren araberako kopuru proportzionalean.

• Jasotzailea: Foru Aldundia
• Zergaduna: Pertsona Juridikoa
• Oinarri ezargarria: Urteko mozkina, hau da, sarrerei gastuak kenduta lortzen den emaitza.

Ondarearen gaineko Zerga

Balio zehatz bat gainditzen duen ondarea duten pertsonek ordaintzen duten zerga da.

• Jasotzailea: Foru Aldundia
• Zergaduna: Pertsona Fisikoa
• Oinarri ezargarria: Pertsona fisikoen aberastasuna.

Oharra: Gipuzkoan, Aberastasuna eta Fortuna Handien Zerga izenarekin ezagutzen da.

Ondasun Higiezinen gaineko Zerga (OHZ/IBI)

Udalerrietan kokatuta dauden ondasun higiezin landatar zein hiritarren balioa zergapetzen du.

Ondasun higiezinen jabeek, jabe izate hutsagatik, "kontribuzioa" esaten zaion hori Udalari ordaindu behar diote urtero.

• Jasotzailea: Udala
• Zergaduna: Pertsona Fisikoak eta Pertsona Juridikoak
• Oinarri ezargarria: Ondasun higiezin landatar zein hiritarren balio katastrala.

Balio Katastralaren Kalkulua

Balio katastrala kalkulatzeko, arau eta baldintza tekniko konplexuak hartzen dira kontuan, hala nola: ondasunaren kokapena, antzinatasuna, lurraren egoera eta balioa. Balio hauek urtero aldatu daitezke.

Salbuespenak

• Estatuaren ondasunak
• Udaletxeenak
• Elizarenak

Oinordetzen eta Dohaintzen gaineko Zerga

Oinordetza (herentzian jasotakoa) eta Dohaintza (bizi den norbaitengandik jasotakoa) gaineko zergak izaera zuzena du. Pertsona fisikoek kosturik gabe lortutako ondare gehikuntzak zergapetzen ditu.

• Jasotzailea: Foru Aldundia
• Zergaduna: Pertsona Fisikoa
• Oinarri ezargarria: Oinordetzan edo Dohaintzan kosturik gabe lortutako ondare gehikuntzak.

Oharra: 400.000 €-ko balio arteko oinordetzak ez dute zerga ordaindu beharrik.

Jarduera Ekonomikoaren gaineko Zerga (JEZ)

Lurralde nazionalean enpresa jarduera, jarduera artistikoa edo profesionala zergapetzea du helburu.

• Jasotzailea: Udala
• Zergaduna: Pertsona Fisikoak eta Pertsona Juridikoak
• Oinarri ezargarria: Egiten duen jarduera ekonomikoa.

Kuoten Kalkulua

Udalak markatutako gutxieneko kuota batzuen gainean tarifa batzuk aplikatzen ditu. Kuotak zenbait faktoreren arabera ezartzen dira:

• Potentzia elektrikoa
• Langile kopurua
• Lokalaren azalera

Emaitza honi koefiziente batzuk (udalerrien biztanle kopuruaren arabera) eta indize batzuk aplikatzen zaizkio (zonaren arabera).

Oharra: Bizkaian, 2.000.000 € baino gehiago fakturatzen dutenek ordaindu behar dute.