Euskal Autonomia Erkidegoko Biztanleriaren Banaketa (2012)

2) Euskal Herrian: Biztanleriaren Analisia

Euskal Autonomia Erkidegoan 2.193.093 biztanle daude (2012), hau da, Espainiako biztanle guztien %4,64a.

2.1 Biztanleriaren Banaketa

Biztanle-dentsitatea (309,36 biz/km² 2012an) handia da, Espainiako batez bestekoa baino hiru aldiz handiagoa (93,56 biz/km²).

• Dentsitate handienak Bizkaiko eta Gipuzkoako kosta-espazioetan daude.
• Neurri txikiagoan, Araban eta horien barruan, hiri-industria nukleo handietan, XX. mendearen erdialdetik 1975era arte immigrazio indartsuaren foku izan ziren.
• Dentsitate txikienak, landa-inguruan daude; batez ere, hegoaldeko mendi-inguruan.

X) Bizkaia

Bizkaian 1.158.439 biztanle (2012) dira, euskal biztanleriaren erdia baino apur bat gehiago (%52,82).

Dentsitatearen Kontzentrazioa Bizkaian

Dentsitate handienak Bilbo Handiaren inguruan (2466 biz/km²) daude, hau da, autonomia-erkidegoko hiri- eta ekonomia-pilaketarik handienean. Biztanle asko pilatzen dira Portugaleten, Sestao, Getxon eta Basaurin. Bizkaiko gainerako lurraldean ez dago dentsitate handirik, Durangaldean eta Gernika-Bermeo inguruan izan ezik.

X) Gipuzkoa

Gipuzkoan 712.097 biztanle daude (2012), euskal biztanleriaren %32,46a. Dentsitate handienak Donostialdean (1049 biz/km²) daude.

Banaketa Orekatua Gipuzkoan

Gainerako lurraldean, biztanleriaren banaketa orekatuagoa da. Gipuzkoako eskualde guztietan 100 biz/km² baino gehiago daude, topografia gorabeheratsuaren eraginez biztanleria haranen beheko aldean pilatzen delako.

X) Araba

Araban 322.557 biztanle daude (2012), EAEko biztanleriaren %14,72a. Biztanleen %75,0 Vitoria-Gasteizen pilatzen dira (847 biz/km²).

Arabako Dentsitate Txikienak

Dentsitate txikienak Arabar Errioxan, Gorbeia inguruan, eta Arabako haran eta mendietan daude. Gainerako lurraldean udalerriek bolumen demografiko txikia dute. Laudio herrian bakarrik 10.000 biztanle baino gehiago bizi dira eta dentsitate handia du, Bilbo inguruarekin lotuta dagoelako.

X) Azken Urteetako Aldaketak

Biztanleriaren banaketa horrek aldaketa garrantzitsua izan du azken urteetan. Biztanleria 30.000 eta 100.000 biztanle bitarteko nukleoetan pilatzen den arren, 5.000 biztanletik beherako udalerrietan demografia gora egiten ari da hiri-deskontzentrazioko prozesuaren emaitza moduan.

Modu horretan, hiru hiriburuek, batez ere Bilbok, eta Donostiak, pilaketa-arazo horiekin, biztanleak mugako udalerrietara hedatu dituzte.