Espainiako Paisaiak: Ozeanikoa eta Mediterraneoa

Paisaia Ozeanikoa

Erliebea

Malkartsua, menditsua, aldapatsua eta ordeka gutxikoa.

Urak

Ibai ugari, Kantauri isurialdekoak. Laburrak dira, itsasotik gertuko mendietan jaiotzen direlako; emaritsuak eta nahiko erregularrak.

Landaredia

Baso hosto-erorkorra: pagoak eta haritzak. Otalurra edo sastraka: txilarra, otea, isatsa. Belardi oparoak.

Lurrak

• Arroka-eremu silizeoan:
  • Lur arrea, humus ugariko lurra eta azidotasun apur batekoa; larreak eta laboreak izaten ditu.
  • Ranker motako lurra, higadura askoko aldapetan, belardi eta basoetarako soilik egokia.
• Kareharrizko arroka-eremuan:
  • Kareharrizko lur arrea, belardietarako eta babarrun eta artoren laborantzarako egokia.
  • Terra fusca, mendi-inguruetan, basogintzarako erabilia.

Klima

Ozeanikoa. Prezipitazio ugariak eta erregularrak (urtean 800 mm-tik gora). Tenperatura-bitarte txikia kostaldean, itsasoaren eraginez.

Eremua

Penintsulako iparraldea; hau da, Kantauri itsasoko ertza eta Galizia.

Paisaia Mediterraneoa

Erliebea

• Penintsula: Mendiz, sakonunez eta kanpoko mendikatez inguratutako goi-lautada.
• Balearrak: Mendilerroak eta sakonuneak.
• Ceuta: Lur malkartsuak eta muinoak.
• Melilla: Goi-lautadak eta muinoak.

Urak

• Isurialde atlantikoko ibaiak: Galiziako eta Andaluziako arro txikietakoak izan ezik, beste guztiak luzeak dira, emaritsuak eta irregularrak (udan agorraldiak).
• Isurialde mediterraneoko ibaiak: Ebro izan ezik, beste guztiak laburrak dira, emari gutxikoak eta oso irregularrak (udan agorraldi nabarmenak).
• Balearrak, Ceuta eta Melilla: Errekak eta akuiferoak.

Landaredia

Baso hostoiraunkorra: artea, artelatza. Makia: sastraka garaia, trinkoa. Garriga: sasi baxua, ez oso trinkoa. Estepa: belar eta zuhaixka arantzatsu baxuak.

Lurrak

• Arroka-eremu silizeoan: Hegoaldeko lur arrea, elkorra.
• Kareharrizko arroka-eremuan:
  • Lur gorriak, laborantzarako emankorrak.
  • Terra rossa, kaskarra, zuhaitzentzat eta larreentzat.
• Buztinezko arroka-eremua (vertisolak): Emankorrak, laboreetarako egokiak.
• Estepako klimako eremuetan: Lur gris subdesertikoa, humus gutxikoa eta ez oso emankorra.

Klima

Mediterraneoa. Prezipitazio urriak edo tartekoak (urtean 800 mm baino gutxiago), eta irregularrak, eta udaran lehorteak. Penintsularen hego-ekialdean eta Ebroko haranean, 300 mm-tik beherakoak dira. Tenperatura-bitarte ertaina kostaldean; Penintsularen barnealdean, berriz, handia, itsasertzaren eraginetik urrun baitago.

Eremua

Penintsula, Balearrak, Ceuta eta Melilla.