Espainia: Antolaketa, Demografia eta Migrazioak

Espainiako Antolaketa eta Demografia

Administrazio eta Politika Antolaketa

Administrazio-Antolaketa

Espainian 17 autonomia-erkidego eta 2 hiri autonomo daude. Autonomia-erkidego bakoitza probintziatan banatzen da, eta probintzia bakoitza udalerritan banatzen da.

Erkidego bakoitzak funtsezko autogobernu lege propioa du: Autonomia Estatutua. Bertan zehazten dira autonomia-gobernuaren erakundeak eta eskumenak.

Sistema Politikoa

Espainia monarkia parlamentarioa da, hau da, Erregea estatuburua da, baina ez du gobernatzen.

Gorte Nagusiak

• Botere legegilea dute.
• Espainiako herriaren ordezkariak dira.
• Legeak egin eta onartzen dituzte.
• Gobernuaren jarduna kontrolatzen dute.

Parlamentu Autonomikoak

• Botere legegilea dute erkidegoan.
• Beren lurralderako legeak egiten dituzte.

Espainiako Demografiaren Datuak

Jaiotza-Tasa

Espainiako jaiotza-tasa gordina 9,1ekoa da. Datu horien kausak emakumezko biztanleria osoaren proportzio handi bat langilea izatea eta krisi ekonomikoa dira.

Espainiako batez bestekotik gora dauden autonomia-erkidegoak hauek dira:

• Melilla
• Ceuta
• Murtziako Eskualdea
• Madrilgo Erkidegoa

Espainiako batez bestekoaren azpitik dauden jaiotza-tasak dituztenak, berriz, hauek dira:

• Asturiasko Printzerria
• Galizia
• Gaztela eta Leon

Heriotza-Tasa eta Bizi-Itxaropena

Espainiako heriotza-tasa gordina 8,5ekoa da. Heriotza-tasa txikia dela azaltzeko arrazoietako bat bizi-itxaropenak gora egin izana da.

• Emakumeen bizi-itxaropena: 85,7 urtekoa.
• Gizonezkoen bizi-itxaropena: 80,2 urtekoa.

Biztanleria osoarekiko adineko pertsonen proportzioa handitu egin baita.

Berezko Hazkundea

Espainiako biztanleriaren berezko hazkundea oso baxua da. 2014an, berezko hazkundea 31.600 pertsona pasatxokoa izan zen.

Biztanleriaren Egitura Lan-Jardueraren Arabera

• Biztanleria aktiboa: 23 milioi pertsona. Horietatik 5 milioi langabezian daude.
• Lehen sektorea: biztanleriaren %4,3.
• Bigarren sektorea: %19,4.
• Hirugarren sektorea: %76,3.

Migrazioen Bilakaera Espainian

XX. mendetik aurrera, Espainia immigranteak hartzen dituen herrialdea izan da, bertako garapen ekonomikoak erakarrita iritsi baitira.

Baina azken urteotan, joera irauli egin da: immigrante kopurua gutxitu eta emigrante kopurua hazi da krisi ekonomikoaren ondorioz.