Didaktika Orokorra: Irakaskuntza eta Eskolaren Funtzioa

Didaktika orokorrera hurbiltzeko jarduerak

Irakasleak, jarduera-testuinguru praktikorako, proposamen didaktikoa egin behar du. Irakaslearen gaitasun hori kontuan izanik, zertarako balio du didaktikaren ezagutzak? Zer ekarpen egiten ditu diziplina honek?

• Ikasle bakoitzak, eta gero talde txikian, Phillips 66 talde-dinamika erabiliz gogoeta egin.
• Ikaslearen eta taldearen karpetetan erantzunak gorde.

Didaktikaren ikasketa-objektua: Irakaskuntza-ikaskuntza prozesua

Irakaskuntzaren ezaugarriak

• Irakaskuntza giza praktika bat da. Asmo hobetzailea du.
• Xede hezitzaileak balioen arabera definitzen dira. Balio horiek erabaki behar dira.
• Irakaskuntzaren betebehar nagusia ikaskuntza bultzatzea da, ikasleak ikaskuntza-jarduerak eginez.
• Ikaskuntza elkarrekintzaren eta komunikazioaren inguruan gertatzen da; beraz, irakaslearen ekintzaren eta ikaslearen rol aktiboaren ondorioa da.
• Irakaskuntza egoera soziala da eta esparru instituzionalean garatzen da, hau da, eskolan.

Sozializazio prozesua

Sozializazioa edo kulturaren asimilazio-prozesua, hein batean, familian eta giza talde baten barruko eguneroko bizitzan egiten da. Hala ere, gizarte aurreratuetan, sortzen den lan-banaketaren ondorioz, ezagutzen eta kulturaren transmisioa ziurtatzeko erakunde bereziak sortzen dira. Horien artean, eskola da nagusia.

Eskolaren funtzio soziala

• Gizarteratze-funtzioa (sozializazioa):
  • Xedeak: lan-mundura sartzeko prestakuntza eta bizitza publikoan esku hartzeko herritarren prestakuntza.
  • Kulturaren erreprodukzioa eta erresistentzia.
• Funtzio hezitzailea:
  • Helburuak: autonomoak eta kritikoak izatea.
  • Ezagutzaren berreraikuntza.
  • Funtzio konpentsatzailea.

Gizarteratzea eta heziketa

Kulturaren erreprodukzioan, Lerenaren arabera, eragile nagusiak honako hauek dira:

1. Lan-indarraren ezagutza-beharrak.
2. Kultura hegemonikoa.
3. Eskolak estatuaren aparatuak dira, eta horien agindu ideologiko eta ekonomikoak legitimatu eta ekoizten dituzte.

Erresistentziaren funtzioa

Aurreko planteamenduei egindako kritiken arabera (Apple, Giroux), erreprodukzioa erabat gertatu gabe, eskolaren barruan erresistentziak eta kontraesanak ere sortzen dira.

Gizarteratzea eta humanizazioa: Eskolaren funtzio hezitzailea

• Eskolaren funtzio hezitzaileak sozializazio-prozesuaren funtzio erreproduzitzailea gainditzen du. Eskolak ezagutza publikoa (zientzia, filosofia, kultura, artea...) erabiltzen du ikasle bakoitzarengan ezagutza pribatuaren garapena bultzatzeko, ikaslea autonomo eta kritiko izan dadin.
• Gizartearen eraginek ezagutzaren erabileraren bitartekaritza kritikoa izan behar dute eskolan.
• Eskolak ezagutza erabili behar du erreprodukzio-prozesuen ezaugarriak eta ondorioak aztertzeko eta eztabaida publiko eta irekira eramateko.