Bizitzaren jatorria: panspermia, sintesi eta teoriak

Bizitzaren jatorria

Panspermia

Panspermia: Bizia espazioan sortu zela eta meteoritoek garraiatuta etorri zela Lurrera. Gaur egun ez dago lurretik kanpo bizia dagoela egiaztatzen duen frogarik.

Sintesi prebiotikoa — hiru pauso

1. Molekula ez-organikoetatik molekula organiko bakunak sortzea
2. Molekula konplexuak garatzea
3. Lehen zelulak agertzea, hau da, eboluzio kimikoa deritzon prozesua

Iturri hidrotermalen teoria

Gaur egun onartuena den teoria da iturri hidrotermalen teoria: bizia iturri hidrotermaletan, itsas hondoan, dortsal ozeanikoen ondoan eta eguzkiaren izpietatik babestuta sortu zela proposatzen du.

Teoria eboluzionistak

Lamarckismoa

Denboran zehar konplexutasuna areagotuz zihoala proposatu zuen.

• Ingurumenaren garrantzia
• Erabiltzearen eta ez erabiltzearen legea: organoak erabileraren arabera hazi eta garatu daitezke
• Hartutako karaktereen herentzia

Genetikaren garapenari esker egiaztatu ahal izan zen hartutako karaktereak ez direla ondorengoengana transmititzen.

Darwinismoa

Darwin eta Wallace-en ideiak:

• Espezie guztiak, gizakiak barne, beste espezie batzuetatik eratorriak dira eta arbaso komun batekin lotuak daude.
• Espezieak denboran zehar aldatu egiten dira; prozesu hau jarraitua, geldoa eta pixkanakakoa izan ohi da (gradualismoa).
• Azaltzeko mekanismo nagusia hautespen naturala da; prozesu hori ingurumen-baldintzen aldaketarekin eta banakoen moldatzeko gaitasunarekin lotuta dago.

Hautespen naturala

• Aldakortasun heredagarria: populazio bateko banakoen artean desberdintasunak daude eta ezaugarri horiek ondorengoei transmiti daitezke.
• Ugalketa diferentziala: ezaugarri onuragarriak dituztenek probabilitate handiagoa dute ugaltzeko eta bere ezaugarriak ondorengoei transmititzeko.

Neodarwinismoa (Teoria sintetikoa)

Genetikaren garapenari esker populazio barruko desberdintasunaren iturriak azaltzen ditu:

• Mutazioak
• Sexu-ugalketaren bidez geneen ausazko nahasketa