San Agustin: bizitza, testuinguru eta pentsamendua

Bizitza eta testuinguru historikoa

Erromatar Inperioaren krisia. III. mendean Inperioaren gainbehera hasi zen.

Kristautasunaren nagusitasuna. Teodosiok Inperioaren erlijio ofizialtzat hartu zuen, 380. urtean.

Bizitza

• 354. urtean jaio zen Agustin, Tagasten. Lehenengo ikasketak Tagasten egin ondoren, Madaurara joan zen.

• Arazo filosofiko-teologikoez kezkaturik, bere bilaketa espiritualari eman zion hasiera.

• Jarrera arrazionalistak hartu zituen, eta ondoren, manikeo bihurtu zen.

• 383an Erromara joan zen eta erretorika-eskola bat ireki zuen.

• 387an kristau-doktrinak bereganatu zituen eta Ambrosiok bataiatu zuen.

• 396an Hiponako apezpiku izendatu zuten.

• Agustin 430ean hil zen, bandaloek Hiponako hiria setiatu zuten garaian, eta, Erroma jadanik erorita, Erromatar Inperioa behin-betiko suntsitzen zihoanean.

Testuinguru filosofikoa

Erromatar Inperioan, greziar platonismoak, aristotelismoak, estoizismoak eta epikureismoak zutik iraun zuten.

Agustinek kristautasunerako landu eta moldatu zituen lau filosofia-eskola. Orduan, hauexek lirateke filosofiaren eraginak Agustinengan:

Neoplatonismoa

Neoplatonismoa: Filonen kreazionismoa; Platonen dualismoa: ontologikoa, epistemologikoa eta antropologikoa (nabardura batzuekin).

Aristotelismoa

Aristotelismoa: zoriontasuna da bizitzaren helburu nagusia eta egiaren kontenplazioaren bitartez.

Estoizismoa

Estoizismoa: dena determinatuta badago, zoriontsua izateko patua onartu eta ikaragaitz izan behar da, bertuteak garatuz.

Epikureismoa

Epikureismoa: zoriontasuna lortzeko, lasaitasuna, sinpletasuna eta ondo aukeratutako atseginak behar dira. Agustin Epikuroaren ideien kontra egon zen beti.

Kristau-ikuskera berriak

Ontologia

Ontologia: Jainkoak gauza guztiak ezerezetik sortu zituen. Greziar filosofian ez dago kreaziorik, materia betierekoa baita.

Antropologia

Antropologia: Jainkoaren semea gizaki egin zen. Gorputza garrantzi handiagoa hartzen du platonismoan baino; gizaki guztiak berdinak dira, Jainkoaren seme-alabak baitira. Gizakiaren duintasuna.

Ezagutza

Ezagutza: Ezinbestekoa da fedea Jainkoa (Egi Absolutua) ezagutzeko. Arrazoia eta fedea adosten saiatu zen Agustin.

Eskatologia

Eskatologia (salbazioa): Jainkoari esker lortzen da.