Produktu Teknologikoen Garapena eta Merkaturatzea
Oinarrizko kontzeptu teknologikoak
- Teknologia: Gizakiari bere ingurune material edo birtuala aldatzeko aukera ematen dioten ezagutza eta tekniken multzoa.
- Produkzioa: Kontsumo-beharrak asetzeko erabiltzen diren baliabideak.
- Merkatua: Bi aldeen arteko trukea egiteko sistema eta salneurria.
- Produktu teknologikoa: Behar baten inguruan sortzen da. Produktu berriek bi ezaugarri dituzte: azkar sortzen dira eta berritzaileak dira; jarduera teknologikoa geldiezina da.
Produktuen planifikazioa eta diseinua
Diseinu-prozesua eta garapena
- Beharren azterketa: Produktua definitzea; zeintzuk diren asetuko dituen beharrak eta beste produktuekin konparatzea.
- Ideiak sortzea: Produktu berria zehaztea eta ezaugarriak aztertzea.
- Bideragarritasuna: Idearik onena aukeratzea.
- Prototipoak garatzea: Produktuaren ezaugarriak ezagutzea du helburu. Prototipo bat sortzen da simulatzeko eta akatsak ikusteko.
- Ekoizpena: Fabrikaziora bideratutako ekintzen multzoa.
Etengabeko hobekuntza eta kalitatea
- Etengabeko hobekuntza estrategiak: Enpresa guztiek beren produktuak hobetzeko teknikak erabiltzen dituzte, bezeroen feedbacka bilatuz. Hobekuntzak ez dira inoiz bukatzen.
- Kalitate kontrola eta kudeaketa: Helburuak betetzen diren edo ez ziurtatzen da. Produktuen kalitatean maiz neurketak egiten dira.
- Normalizazioa: Zehaztapenak ezarri eta aplikatzeko prozesua da, produktuak hobetu daitezen eta munduan zabal daitezen.
Merkaturatzea eta logistika
Merkaturatzea: Produktuaren azken garapen-etapa da, eta helburua produktua salgai jartzea da.
Merkatuaren oinarrizko legeak
Merkatu-ekonomia eskaintza eta eskariaren legean oinarritzen da:
- Eskariaren legea: Eskari-kopurua prezioa igotzen denean murrizten dela dio.
- Eskaintzaren legea: Eskaintza-kopurua prezioa handitzen denean handitzen dela dio.
Merkaturatze proiektuak eta 4P-ak
Ondasun eta produktuei irteera ematea du helburu. Ingelesezko 4P-ek hartzen dute parte: Product (produktua), Place (lekua), Promotion (sustapena) eta Price (prezioa).
Logistika eta banaketa
Produktua ekoizpen-puntutik kontsumo-puntuetara eramaten da. Plangintza eta garraioa barne hartzen ditu:
- Eskariaren planifikazioa.
- Biltegi-ahalmena eta mantentze-lana.
- Eskariak prozesatzea.
- Banaketaren diseinua eta plangintza.
- Prozesuaren jarraipena.
Produktuen bizitza-zikloa
Produktuak ez dira betirako. Etapa hauek dituzte:
- Hazkundea: Produktuak arrakasta badu, hazkundea ematen da.
- Helduaroa: Hazkundearen ondoren, salmentak mantendu egiten dira.
- Beherakada: Salmentak gutxitu egiten dira.
- Desagertzea: Dirua galtzen bada, produktua desagertu egiten da.
Metodologia berritzaileak
Design Thinking
- Enpatizatzea: Bezeroa aztertu elkarrekintzaren bidez.
- Definitzea: Jasotako informazioa bateratu eta aztertu, behar nagusiak identifikatzeko.
- Ideiatzea: Taldean ideiak bota (brainstorming).
- Prototipatzea: Prototipo bat egitea.
- Frogatzea: Bezeroari prototipoa erakutsi, frogatu eta ebaluatzeko, egindako kritikekin hobetzeko.
PDCA Zikloa
Prozesuak etengabe hobetzea helburu duen kudeaketa-metodologia da. Lau urrats ditu:
- Planifikatzea (Plan): Arazo bati aurre egiteko helburuak ipini.
- Egitea (Do): Planteatutakoa egiten hasi.
- Egiaztatzea (Check): Emaitzak aztertu.
- Doitu (Act): Ikasitakoa aplikatu eta nola egin dugun baloratu.
Produktu motak
- Izaeraren arabera: Ondasunak (jostailuak, janaria), zerbitzuak (medikua) eta prozesuak (bidaiatzea, eraikuntza).
- Erabileraren arabera: Kontsumo-ondasunak eta produktu industrialak.
- Kontsumitzailearen ikuspuntutik: Beharrezkoak, bereziak eta ez-bilatuak.