Munch-en Garrasia: Artelanaren Azterketa

Euskarria eta Teknika

Mihise gaineko tamaina txikiko oleoa.

Pintzelkada luzea da, urdurria, askea eta norabide ezberdinetakoa.

Gaia

Alegoria da, etsipenaren, larritasunaren eta bakardade gorenaren sinboloa.

Deskribapena

• Ezkerralderantz luzatzen den sakonera handiko zubia agertzen zaigu, lerro zuzen, diagonal eta dibergenteak itxuratuz.
• Garrasia botatzen duen giza irudi sinplifikatuta eta deformatuta, luzatuta, uhineztatuta, isolatuta dago.
• Urrunago beste bi giza irudi daude, txikiak eta ilunak, eta haien itzal gorri eta luzeek bakardadearen sentsazioa areagotzen dute.
• Eskuinean eta erdialdean itsasoaren lerro uhineztatuak agertzen dira, urdin, berde eta beltzak, zerumugan zeruko kolore hori eta gorrixkekin elkarlotuta.
• Formak sinplifikatuta eta deformatuta daude, ezegonkorrak eta kezkagarriak, marretan deskonposatuta daudelarik.
• Figurazioa subjektiboa da.

Konposizioa

• Zubiaren lerro diagonalak koadroa bi zatitan banatzen du: alde batetik gizaki bakartia eta bestaldetik, natura ezegonkorra.
• Lerro zuzen eta okertuen arteko joko bikaina dago.

Koloreak eta Argia

• Kolorearen erabilera bortitza, ez naturala, subjektiboa da, barne-emozioa adierazteko.
• Kolore desberdinak nahasten dituzten marra luzeetan zabalduta agertzen dira, erritmo diagonal edo uhineztatuak jarraituz.
• Kolore hotzak (grisak, urdinak) eta kolore beroak (laranjak, gorriak) nabarmentzen dira.

Adierazpena

Berak emandako azalpenen arabera:

'Iluntze batean bidean zehar nenbilen. Nire azpian hiria eta fiordoa zeuden. Nekatuta eta gaixorik nengoen. Lainoek odolaren moduko kolore gorria hartu zuten. Koloreak oihuka ari ziren.'

Esanahia

• Pintura honen bidez Munchek bizitzako tragedia erakusten du, ez natura imitatuz, baizik eta pintorearen beraren ikuspegi subjektiboa adieraziz.
• Desesperazioa, larridura eta bakardade infinitua ageri dira, hilotz itxurako gizaki anonimo baten garrasitik abiatuta.

Balorazioa

• Joera espresionistaren lehen ordezkaria da, enkargatzailerik gabeko koadroak burutu zituena.
• Oso goiztiarra gainera, eta geroagoko espresionismo alemaniarrean berebiziko eragina izan zuena.
• Espresionisten kasuan, artelanen bitartez egilearen sentipenak azaleratzen ziren; naturaren objektuak ez ziren modu objektiboan azaltzen, egilearen subjektibitateaz eraldatuta baizik.
• Pintore aitzindaria eta bakartia izan zen.