Marketinaren Oinarriak eta Marketin-Mixaren 4 P-ak

Marketinaren Oinarrizko Kontzeptuak

Marketina enpresa batek kontsumitzailearen premiak eta nahiak asetzeko egiten dituen jarduera multzoa da, betiere irabaziak lortzeko helburuz. Gaur egun, funtsezko merkaturatze-tresna da enpresa gehienetarako.

Sustapen eta Komunikazio Tresnak

• Publizitatea

  Masa komunikabide bat erabiliz mezu bat igortzea da, kontsumitzailearen portaeran eragiteko asmoz.

• Salmenten Sustapena (Promozioa)

  Enpresak epe laburrean produktu baten salmentak handitzeko asmoz bultzatzen duen merkataritza-ekimen multzoa da. Adibidez: deskontu-bonu bat.

• Salmenta Pertsonala (Zuzeneko Marketina)

  Saltzailearen eta bezeroaren arteko harreman zuzenaren bitartez azken hau informatzea, erakartzea eta konbentzitzea da, produktu bat eros dezan.

• Harreman Publikoak

  Enpresak, planifikatutako irudi bat sortzeko, hori sustatzeko edota horri eusteko egiten dituen jarduera multzoa da. Adibidez: kirol talde bat babestea.

• Publicity-a

  Komunikabideetan oihartzuna izango duen informazio bat zabaltzea da, enpresaren aldeko iritzia sortzeko.

• Merchandising-a

  Salmenta-puntuan produktu bat saltzen laguntzen duten ekintzen multzoari esaten zaio. Salmenta-puntuko publizitate gisa ere ezagutzen da.

Marketin-Mixa (4 P-ak)

Marketin-mixa enpresak kontrolatu ditzakeen lau elementuak konbinatuz burutzen duen merkataritza-estrategia da: Produktua, Prezioa, Sustapena eta Banaketa.

Marketin-Mixaren Elementuak

• Produktua

  Erosi nahi den oro da, eta beraz, kontsumitzailearen premia bat asetzen duen oro da.

• Prezioa

  Eroslearen erabakietan lehenik eragiten duen marketin-aldagaia da, eta hori aztertzea funtsezkoa da.

• Sustapena

  Enpresak bere produktua merkatuan ezagutarazteko, enpresaren irudia indartzeko edota jendea produktua erostera bultzatzeko helburua duten tresnen multzoa da.

• Banaketa

  Produktua enpresatik kontsumitzailearengana eramateko egiten diren prozesu multzoa da, kontsumitzaileak produktua une eta leku egokian eros dezan.

  Banaketa Kanala

  Kanpoko kanala: Produktua bitartekarien bidez banatzen da. Bitartekariak handizkariak edota txikizkariak izan daitezke:

  • Handizkariak: Ekoizleei produktuak kopuru handietan erosi eta txikizkariei saltzen dizkieten merkatariak.
  • Txikizkariak: Kontsumitzaileei produktuak saltzen dizkietenak (dendak, etab.).