Igorlea: kanbio-letra igortzen duena, ordainketa-agindua ematen duena (saltzailea).
Igorpendua: ordainketa-agindua jasotzen duena (eroslea).
Edukitzailea: titulua eskuetan duena, ordainketa exiji dezakeena.
Hartzailea: igorleak kanbio-letran kobratzeko adierazten duena.
Endosu-emailea: kanbio-letraren jabetza endosu bidez transmititzen duena.
Abal-emailea: kanbio-letraren ordainketa bermatzen duena, obligaziodun nagusiak ordainduko ez balu.
Igorri ondorengo aukerak
Mugaeguna arte itxaron, kanbio-letraren zenbatekoa eskuratzeko.
Kanbio-letra bankuan deskontatu, hau da, bankuari saldu.
Igortzeko moduak
Igorlearen agindura: normalean, igorleak egoitza bat baino gehiago duenean erabiltzen da, batak besteari ordainketak egiteko.
Igorlearen kargura: kreditua lortzeko funtzioa betetzeko.
Hirugarren baten agindura: deskontatzeko asmoz egiten denean.
Endosu motak
Erabateko endosua: tituluari atxikitako eskubide guztiak transmititzen dituena. Zenbateko osoarena izan behar du.
Endosu murriztua: kanbio-letra berme gisa ematen da, kobrantza kudeatzeko.
Endosuaren parte-hartzaileak
Endosu-emailea: kanbio-letra endosuaren bidez transmititzen duena. Kontrako klausularik ezean, onarpena eta ordainketa bermatzen zaizkie hurrengo edukitzaileei.
Endosu-hartzailea: edonor izan daiteke, baita obligaziodun bat ere. Endosu-hartzaileak, era berean, kanbio-letra berriro endosa dezake, endosu-kate bat sortuz.
Kanbio-letra abalatzeko baldintzak
Kanbio-letran bertan adierazi behar da.
Sinadura bakar batekin nahikoa da, betiere igorlearen edo igorpenduaren sinadurak ez badira.
Abalagatik adierazpena edo antzeko bat eraman behar du.
Abal-emailearen sinadura autografoa, identifikatzen duena.
Abal-hartzailearen identifikazioa. Hori agertu ezean, onartzen duena edo igorlea dela ulertuko da.
Ez da beharrezkoa data eta lekua jartzea.
Onespenaren baldintzak
Kanbio-letran adierazi behar da.
Onartzen dut esamoldea edo baliokideren bat erabili behar da.
Igorpenduaren sinadura nahitaezkoa eta nahikoa da.
Data jartzea ez da ezinbestekoa, salbu eta mugaeguna bistatik egun edo hilabete batzuetara finkatu denean.
