Iraultzak eta Masa Gizartearen Sorrera

1917ko Otsaileko Iraultza

1914an, Errusia Lehen Mundu Gerran sartu zen. Ez ekonomia, ezta armada ere, ez zeuden prest gerrarako. Porrot militarrek eta atzeguardia horniduraz gabetzeak ondoez handia sortu zuten. Horren ondorioz, grebak eta manifestazioak egon ziren, eta errepresioak tsarraren aurkako guztiak elkartzea eragin zuen.

Iraultza Otsailaren 23an hasi zen, San Petersburgoko manifestazioaren ondoren. Otsailaren 27an, Behin-behineko Gobernua eratu zen.

1917ko Urriko Iraultza

Behin-behineko Gobernuak ezin izan zuen gizarte eta politika ezegonkortasuna eragotzi. Era berean, Gobernuak gerran jarraitzea erabaki zuen; horrek porrot etengabeak ekarri zituen eta Gobernua ahuldu egin zen. Horrez gain, sobieten protagonismoa areagotu egin zen, eta lehen kongresua egin zuten ekainean.

Leninen Apirileko Tesiak

Lenin, boltxebikeen burua, erbestetik itzuli zen eta Apirileko Tesiak izenekoan jarraitu beharreko programa ezarri zuen:

• Gerra uztea.
• Lurra berriz banatzea.
• Langileen batzordeek fabrikak kontrolatzea.
• Nazionalitateek autonomia izatea.
• Sobietei boterea ematea.

Urriko Estatu-kolpea

Boltxebikeek herri-matxinada prestatu zuten uztailean, baina porrot egin zuten. Hori zela eta, Leninek erbestera joan behar izan zuen. Urrian, boltxebikeek berriz Gobernua botatzeko ahaleginak egin zituzten, eta lortu ere.

Urriaren 24ko gauean, boltxebikeek kontrolatutako sobietek hiriburuko puntu estrategiko guztiak eskuratu zituzten. Urriaren 25ean, Neguko Jauregiari eraso zioten eta Behin-behineko Gobernua amaitu zen. Gobernu iraultzaileak hainbat gauza egin zituen berehala, besteak beste, Gerratik irtetea.

Masa Gizartea

Masa gizartearen sorrerak bi arlo nagusitan izan zuen eragina:

Politika

Sistema politiko liberala errolda-sufragiotik (elite diruduna) sufragio unibertsalera igaro zen. Horrek alderdi politikoak masa-alderdi bihurtzea ekarri zuen, komunikabideak (irratia, etab.) erabiliz.

Ekonomia

Industria Iraultzak makinen erabilera eta produkzioaren igoera ekarri zituen. Produkzioa igotzeak salmenta beharra sortu zuen, eta horrek kontsumitzaile gehiago erakarri zituen. Horrela sortu zen Kontsumo Gizartea, komunikabideen bidez hedatua.