Frantziako Iraultza eta Aro Garaikideko Kontzeptuak

Historia2 eka. 20253,89 KB

Etapa	Datak	Konstituzioa eta Ezaugarriak	Gertakari Garrantzitsuenak
Monarkia	1789-1792	1791ko Konstituzioa: monarkia konstituzionala, botere banaketa, gizonezkoen sufragio zentsitarioa.	Feudalismoa deuseztatzea Gizakiaren eta Herritarren Eskubideen Adierazpena (1789) Elizaren ondasunak nazionalizatzea
Konbentzioa	1792-1794	1793ko Konstituzioa: gizonen sufragio unibertsala. Jakobinoak buru.	Monarkiaren deuseztapena eta Errepublikaren aldarrikapena Luis XVI.aren exekuzioa Izualdia
Direktorioa	1794-1799	1795eko Konstituzioa: botere legegilea bi ganberari dagokio. Botere exekutiboa Direktorioaren esku. Girondinoak buru.	Europako monarkia absolutuen aurkako gerra Iraultzaren aurkakoek eta jakobinoek antolatutako altxamenduak
Kontsulatua	1799-1804	1800eko Konstituzioa: hiru batzorde legegile eta hiru kontsul. 1802ko erreforma: Napoleon biziarteko kontsul izendatu.	Napoleonen estatu-kolpea eta Direktorioaren amaiera.
Inperioa	1804-1817	Iraultzaren ideiak Europara zabaldu.	Napoleon enperadore izendatu (1804) Errusiako kanpainaren porrota (1812) Waterloon galdu (1815)

Sufragio zentsitarioa: Botoa emateko eskubidea errenta maila jakin bat duten pertsonek soilik izatea.
Aliantza Santua: Errusiaren, Prusiaren eta Austriaren artean sinatutako aliantza militarra, Europako edozein tokitan iraultza liberalaren aurka esku hartzeko.
Nazionalismoa: Estatua eta nazioa (nazioa historia, hizkuntza, ohitura, tradizio eta erlijio berak dituen pertsona multzoa dela ulertuz) bateratzea nahi zuen joera ideologikoa; herri bakoitzak bere burua gobernatzeko eskubidea defendatzen zuen.
Gizarte industriala: Familiaren esparrutik kanpoko produkzio-jarduera: eskulanaren kontzentrazioa, lanaren banaketa eta ekonomia kapitalaren hazkundera eta metaketara zuzentzea ditu ezaugarri nagusi.
Nekazaritza estentsiboa: Lurrak, inbertsio handirik egin gabe, berez ematen duen produkzioa jasotzea.
Iraupen-krisia: Uzta txar baten ondorioz gaixotasunak eta gosea ugaltzea, bizi-baldintzak erabat kaxkartuz.
Lau urteko txandakatze-sistema: Lur eremu bat lau zatitan banatu ondoren, urtero produktuak txandakatzea (zati bakoitzean, noski), lugorria saihestuz.
Fisiokrazia: Nekazaritza jarduera ekonomiko nagusia dela defendatzen duen doktrina ekonomikoa.
Openfield: Lur eremu irekia, hesitu gabea.
Enclosure: Lur jabe handiei lur jabe txikiei beren lurrak kentzeko baimena ematen dien legea.

Deskargatu