Euskal Autonomia Erkidegoko Industria eta Turismoa
Industria eta Turismoa Euskal Autonomia Erkidegoan
Industria
Industria Deskolonizazioa
Etekin gehiago ateratzeko helburuarekin, industriako enpresak lekuz aldatzea da, abantailak eskaintzen dizkieten tokietara eramanez. Onura horietako batzuen artean, besteak beste, eskulan merkea, lurzoru merkea edo abantaila fiskalak daude.
Goi-Teknologiako Industria
Intentsitate teknologikoa, produktuen bereizketa eta eskari handiak dituzten industriak dira. Sektore aipagarrienak material elektriko eta elektronikoa, ordenagailuak, tresna optikoak eta doitasun tresnak dira.
Tertziarizazioa
Zerbitzuen sektorea beste bien aurrean indarra hartzea, sektore garrantzitsuena bilakatuz, bai biztanleria aktiboaren enpleguari dagokionez, bai eta BPGri egindako ekarpenari dagokionez ere.
Garapen Iraunkorra
Garaiko bizilagunen beharrak asetzeko beste ekoizten duen sistema da, baina ondorengo belaunaldien etorkizuna arriskuan jarri gabe. Horren arabera, hazkundea baliabideen ustiapen arrazionalean oinarritu behar da, gehiegizko kontsumoa, gain-ustiaketa eta erabateko narriadura saihestuta.
Garraio-Azpiegiturak
Salgaiak zein bidaiariak garraiatzeko erabiltzen diren sareek osatzen dituzte: errepide-sareak, trenbide-sareak, itsas portuek eta aireportuek.
Turismo Espazioak Euskal Autonomia Erkidegoan
Turismoa populazioaren aldi bateko mugimendua da, aisialdi baterakoa.
Turismoaren Garrantzia eta Bilakaera
EAEn, turismoa azken urteetan asko hazi den sektorea dugu. Turismoak gure erkidegoan duen garrantziaz jabetzeko, hona hemen datu batzuk: EAEn, BPGren %5,2 hartzen du, eta enpleguaren %4.
Bilakaerari buruz, tradizionalki, Lapurdin izan du garrantzia, XIX. mendetik aurrera, eta kostaldean. EAEn, Donostia izan da maila ertain eta altuko bisitarien erakarle, batez ere. Gorakada XX. mendearen hasieran ezagutu zuen. Artean, trena, hotelak, bainugelak eta kasinoa eraiki ziren. Hiriburuaz gain, Hondarribia eta Zarauzko guneek ere garrantzia hartu zuten. Bizkaian, Lekeitio izan zen aitzindari. Bainuetxeak garai batean ugariak izan baziren ere, gaur egun hiru besterik ez dira geratzen: Lapurdin, Nafarroan eta Gipuzkoan.
Gerra zibila eta gerraostearekin, turismoak beherakada izan zuen. 1950eko eta 60ko hamarkadetan berpiztu zen turismo jarduera Estatu mailan, Europa mendebalde eta iparraldearen hazkunde ekonomikoaren eta garraioen hobekuntzaren eskutik.