Erantzun Immunitarioa eta Antigorputzak
Antigorputzak: Erantzun Humoralaren Arduradunak
- Erantzun humorala sortzen duten molekulak dira.
- Garrantzi handia dute erantzun immunitarioan, antigenoei berariaz lotu, blokeatu eta horien egitekoa geldiarazten dutelako.
- Glukoproteinak dira, zelula plasmatikoek sintetizatuak eta jariatuak.
- Egitura oso konplexua dute.
- Y itxurako morfologia dute.
- Lau kate proteikoz osatuta daude: bi astun (H) eta bi arin (L).
- Kateen arteko desberdintasuna tamaina eta pisu molekularra da.
- Kateak disulfuru-zubien bidez lotuta daude.
- Antigorputz guzti-guztiek gune egonkorrak eta gune aldakorrak dituzte.
- Gune egonkorretan, aminoazidoen sekuentziak berdinak dira.
- Gune aldakorretan 110 aminoazido desberdin daude antigorputz batetik bestera.
- Antigorputz bakoitzak bi gune aktibo ditu eta horietatik ezagutzen dituzte antigenoak.
- Gune aktiboak molekula bakoitzaren gune hiperaldakorretan daude.
- Gune egonkorrean, azpigune batzuk bereizten dira: osagarriarekin lotzeko gunea eta fagozito-zelulekin lotzeko gunea.
Erantzun Immunologiko Humorala
- B linfozitoek eragiten dute.
- Antigorputzak aske ibiltzen dira odolean eta linfan antigenoak neutralizatuz.
- Ekintza hori eraginkorra da antigeno askeen aurka eta mintzeko antigenoen aurka.
- Antigorputzak berariazkoak dira.
Prozesua
- B linfozitoek antigenoekin topo egitean sortzen da erantzun humorala.
- B linfozitoak hautatzen eta aktibatzen dira.
- B linfozitoak aktibatzearen ondorioz, aktiboki ugaltzen dira bi zelula mota sortuz: zelula plasmatikoak eta oroimen-zelulak.
- Zelula plasmatikoek antigorputz asko sortzen dituzte.
- Oroimen-zelulek bizitza oso luzea dute.
- Oroimen-zelulen ezaugarri nagusia da, antigeno batekin berriro topo egitean, erantzun immunologiko oso azkarra eta handia ematen dutela.
Nola Jarduten Dute Antigorputzek?
Antigorputzak antigenoekin topo egin bezain laster lanean hasten dira. Zenbait erantzun ematen dituzte, antigenoak blokeatu edo deuseztatzeko gai direnak:
- Antigenoak geldiarazten dituzte prezipitazio eta aglutinazio bidez.
- Fagozito-zelulak aktibatzen dituzte eta, ondorioz, makrofagoek antigenoak deuseztatzen dituzte.
- Osagarriaren sistema aktibatzen dute.
Erantzun Immunologiko Zelularra
- T linfozitoek zelulekin elkartutako antigenoen aurka egiten dute zuzenean, infekzio edo mutazio baten eraginez eraldatutako zelulen aurka eta indibiduoarenak ez diren zelulen aurka.
Prozesua
- Antigenoak eragiten du erantzun zelularra, errezeptore espezifiko bati lotu eta zelulen klon bat hautatzen duenean.
- Eraldatutako zelulen mintzeko antigenoak ezagutzean hautatzen eta aktibatzen dira T linfozitoak.
- Zelula kutsatuen edo tumoralen kasuan, Tc linfozitoak aktibatzen dira; makrofagoek antigenoak aurkezten badituzte, berriz, Th linfozitoak.
- Aktibatutako linfozitoak ugaldu egiten dira.
- T linfozitoak bitan banatzen dira, oroimen-linfozitoak eta T efektoreak sortuz.
- Fase efektorean, Tc linfozito efektoreek arrotzat hartutako zelulen lisia egiten dute.
Oroimen Immunologikoa
Sistema immunologikoaren ezaugarrietako bat da eta bi alderditan ikusten da:
- Birus edo bakterio baten eraginpean egon ondoren, organismoek horren aurkako erantzun immunitarioa garatzen dute.
- Antigeno jakin bat lehenengo aldiz organismo batean inokulatzean, bost egunen buruan, erantzun immunitarioa garatzen du.
Lehenengo erantzunari lehen mailako erantzun immunitarioa deritzo.
Bigarren erantzuna azkarragoa izaten da, eta bigarren mailako erantzun immunitarioa da.
Oroimen-zelulak denbora luzez egoten dira pertsonaren odol-sisteman eta sistema linfatikoan.