Ekonomia Politika: Helburuak, Adierazleak eta Tresnak

Ekonomia Politikaren Helburuak

Ekonomia politikak helburu nagusi hauek ditu:

• Ekonomia hazkunde jasangarria: Estatuak ondasunen eta zerbitzuen ekoizpena denboran zehar etengabe haz dadin esku hartzen du, herritarren ongizate maila hobetzeko.
• Ekonomia hazkundea neurtzen duten adierazleak: KPI eta BPGd dira.
• Enplegu betea: Herrialde bateko biztanleria aktiboari lana ematea da helburua. Ez da erraza guztiei lana ematea, baina biztanleria aktiboaren % 98 okupatuta dagoenean enplegu betea dagoela esaten da.
• Enplegu maila neurtzen duten adierazleak: Jarduera tasa, okupazio tasa eta langabezi tasa.
• Prezioen egonkortasuna: Ondasunen eta zerbitzuen prezioak kontrolatzea, kontsumitzaileek erosteko ahalmena ez galtzeko eta inflazioak sortzen duen ziurgabetasuna saihesteko.
• Prezioen egonkortasuna neurtzen duten adierazleak: Inflazio tasa eta KPI.

Ekonomia Politikaren Motak

Zerga-politika

Estatuak ekonomia jarduerak areagotzeko edo murrizteko hartzen dituen neurriak dira. Horretarako, zerga bilketa eta gastu publikoaren aplikazioa baliatzen ditu.

Estatuko Aurrekontu Orokorrak

Ogasun publikoak urte jakin batean egingo dituen gastuak eta aurreikusitako diru-sarrerak xehetasunez adierazten dira. Aurrekontuek bat etorri behar dute estatuaren ekonomia planarekin, hau da, ekonomiaren bilakaerari buruzko aurreikuspenak eta helburuak jasotzen dituen planarekin.

Defizit Publikoa Finantzatzeko Neurriak

Defizit publikoa finantzatzeko, Estatuak jokabide hauek izan ditzake:

• Zor publikoa jaulkitzea: Banku bati mailegua eskatzen zaionean bezala, estatuak dirua eskatzen die enpresa eta partikularrei, titulu-balore jakin batzuen truke. Titulu horiek eskubidea ematen diete edukitzaileei diruaren itzulketarekin batera, aldez aurretik adostutako interes finko bat jasotzeko.
• Zergak igotzea: Ondasunen eta zerbitzuen eskaria jaistea eragiten dute. Neurri horiek ekonomia zikloaren hedaldietan aplikatzen dira.
• Zirkulazioan dagoen diru kantitatea handitzea: Neurri horrek prezioen igoera (inflazioa) ekarri ohi du.

Oharra: Estatuak neurri horiek ezartzea aztertzen du, baina Euroguneko herrialdeetan egonkortasuna bermatzeko, Europako Banku Zentralak soilik erabaki dezake diru kantitatea handitzea.