Ekonomia eta Geografia: Oinarrizko Kontzeptuak
Nekazaritza Estentsiboa
Lur-azalera handietan eta azalera-unitate bakoitzeko errendimendu oso baxuak eta etekin txikiak lortzen dituen nekazaritza mota da. Bertan, teknika tradizionalak erabiltzen dira.
Nekazaritza Intentsiboa
Produktibitate handia lortzea helburu duen nekazaritza mota da, etekin handiak ematen dituena, inbertsio handiak eginez eta teknika aurreratuak erabiliz egiten dena.
Nekazaritza-ustiategia
Titular edo enpresari baten ardurapean dagoen nekazaritza-produkzio unitatea da, lurrak, makineria, instalazioak eta kapitala biltzen dituena.
Abeltzaintza Estentsiboa
Inguru fisikoaren araberako abeltzaintza da, larre eta bazkaleku naturaletan libre bizi eta elikatzen dena, arraza autoktonoei eta lan-teknika tradizionalei lotuta dagoena.
Abeltzaintza Intentsiboa
Inguru fisikotik bereizita dagoen abeltzaintza industriala da, non abereak ukuiluratuta dauden, pentsu eta bazkaz elikatzen direnak. Arraza hautatuak erabiltzen dira, teknika modernoak aplikatzen dira eta produkzioa merkaturatzera bideratuta dago.
Nekazaritza-paisaiak
Nekazaritza-espazioaren morfologia edo itxura da. Inguru naturalaren eta bertan egindako nekazaritza-jardueraren arteko konbinazioaren emaitza da. Konbinazio horien dibertsitatea dela eta, bertako paisaien aniztasuna azaltzen da.
NPB / PAC (Nekazaritza Politika Komuna)
Europar Batasunean nekazaritza-arloan egiten den politika komun bat da, Espainian 1986tik indarrean dagoena. Helburu nagusia nekazaritza-merkatuen eta ekoizpen-antolaketaren hobekuntza bermatzea duena da.
Industriaren Deslokalizazioa
Multinazionalek lantokiak edo produkzioaren atal batzuk garapen bidean dauden herrialdeetara eramateko egiten dituzten mugimenduei deitzen zaie, hauen helburu orokorra kostuak murriztea da.
Goi-teknologiako Industria
Intentsitate teknologiko handia, produktuen bereizketa handia eta eskari handia duten sektoreak dira. Aipagarrienak material elektriko eta elektronikoa, ordenagailuak, tresna optikoak, eta abar dira.
Tertziarizazioa
Ekonomiaren hirugarren sektoreak beste bi sektoreen aldean pisua irabazteaz gain, lehenengo eta bigarren sektorean hirugarren sektoreak ere parte hartzen duenean datza, bai diseinuan, bai marketinean. Hirugarren sektoreak eskaintzen dituen abantailak aprobetxatzen dira.
Garapen Iraunkorra
Hazkunde ekonomikoa naturarekiko errespetuarekin bat egitean datza, hau da, ekonomiak aurrera egin ahala baliabideen arrazoizko erabilera, orainaldiko eta etorkizuneko belaunaldien beharrak asetzeko helburuarekin.
Garraio Azpiegitura
Garraio-sistemaren parte garrantzitsuak dira, baliabide mugikorrekin (ibilgailuak, autobusak, etab.) batera. Eraikin finkoak izaten dira beti. Azpiegitura nagusiak dira errepideak, aireportuak, trenbide-sareak, portuak, etab. Herrialde baten hazkunde ekonomikorako ezinbestekoak dira.