EAEko Hiri Sistemaren Egitura eta Erronkak

EAEko Hiri Sistemaren Analisia

Lurraldeen Hiri Sistemak

Bizkaia

Bizkaian, hiri-sistema desorekatuagoa da Gipuzkoarekin alderatuta, industria-hiri nagusiak Bilbo Metropolitarrean kontzentratzen baitira (adibidez, Durango, Gernika, Elorrio).

Gipuzkoa

Gipuzkoan, sistema orekatuagoa da. Industria-hiriak Donostialdeako neurri ertaineko hirien multzoan eta gainerako lurraldean modu nahiko homogeneoan kokatuta daude (Azpeitia, Azkoitia, Eibar, Arrasate).

Araba

Barruko azpisistema Gasteizen inguruan antolatzen da. Hiriburuak probintziako biztanleria osoaren % 75 biltzen du; beraz, biztanleria modu oso desorekatuan banatuta dago eta sistema makrozefalikoa da. Hiriburutik kanpo, Laudio eta Amurrio bakarrik nabarmendu behar dira, eta horien menpekotasun funtzionalak Bizkairantz zuzentzen dira gehiago Arabarantz baino. Arabako gainerako lurraldean ez dago hiri aipagarririk. Agurain bakarrik da Arabako Lautadako azpizentroa.

Horrez gain, Arabako hiri-sistemak beste ahultasun batzuk ditu. Arabar Errioxako herri batzuk funtzionalki EAEtik kanpo dauden nukleoiei lotuta daude, adibidez: Bastida Harorekin, eta Zanbrana Miranda de Ebrorekin.

Hiri Sistemaren Harremanak

EAEko hiri-sistemak harreman handiak ditu EAEko hirien artean eta erkidegotik kanpo kokatutako beste azpisistema batzuekin.

EAEko hiri-sistemak harremanak ditu Bizkaiko isurialde osoarekin, Nafarroarekin eta Errioxarekin. Ebroren haranaren bitartez Mediterraneoko ardatzera hurbiltzen da, eta Irunetik Frantziarekin lotzen da.

Etorkizuneko Erronkak eta Helburuak

Amaitzeko, esan behar da EAEn dagoen hiri-hierarkia, hiri-sistemaren banaketa espazial desorekatua eta EAEtik kanpoko azpisistemekin duen erlazioa direla eta, etorkizunean hiri-sistemaren erronkak honako hauek izan beharko liratekeela:

• Hiriburuen Euskal Sistema Polinuklearra indartzea:
  • Europan duen integrazioa hobetu beharko luke, kokapen estrategikoa aprobetxatuz, Arku Atlantikoan duen eginkizun zentrala eta arku horren eta Europako espazio dinamikoenen (Europa dortsala eta Arku Mediterraneoa Ebroren haranean zehar) artean dauden loturak bultzatzeko.
  • Euskadi osoa eta lurralde historiko bakoitza elkarrekin eta modu orekatuan gidatzea. Horretarako, besteak beste:
    • Araban: hiriburutik jarduerak gainerako lurraldera hedatu nahi dira, eta Gasteizek Logroñorekin lotura hobeak izatea, Ebroren ardatzean pisu gehiago izateko.
    • Gipuzkoan: barnealdean eta Donostian eginkizun tertziarioak bultzatu nahi dira, batez ere astialdiarekin, aisiarekin, kulturarekin eta turismoarekin lotutakoak.
    • Bizkaian: Bilboko metropoli-ingurua bultzatu nahi da, eta barnealdean ekipamendu eta zerbitzuetan espezializatzea.
• Hiri ertainak bultzatzea: ekipamenduak eta zerbitzuak emango zaizkie, eragin-esparrua izan dezaten eta haien artean osagarriak izan daitezen.