Birusen Ziklo Litikoa eta Lisogenikoa: Biologia Molekularra

Birusen ziklo litikoa

Gene biralak transkribatu eta mRNA sintetizatu. Gene biralak RNA polimerasa biralaren bidez transkribatzen dira.

mRNA itzuli eta proteinak sintetizatu. Zelula-makineria erabiltzen da proteina biral egiturazkoak nahiz ez-egiturazkoak itzultzeko.

Genoma erreplikatu. Erreplikatzeko mekanismoa birus motaren araberakoa da, Baltimoreren sailkapenean azaltzen den bezala.

Birioiak muntatu. Egiturazko proteinak azido nukleikoaren kopiekin batera paketatzen dira, eta birioiak eratzen dira.

Birioiak zelulatik irten. Birioiak zelula ostalaritik irteten dira, zelularen lisia (desegitea) eraginez, gemazioz (animalia-birusen kasuan) edo zelulartekoen poroetan zehar (landare-birusen kasuan).

Ziklo lisogenikoa

Ziklo lisogenikoan, zelula infektatua ez da desegiten. Aitzitik, birusaren genoma ostalariaren genoman txertatzen da, eta harekin batera erreplikatzen da. Egoera horretan dagoenean, birusari probirus esaten zaio.

Zenbait baldintzatan, birusaren genoma aktibatu egiten da, eta ziklo litikoa hastea eragiten du. Giza erretrobirusek (GIBa, adibidez) eta bakteriofago batzuek bi zikloak izan ditzakete.