Atomoaren Egitura eta Eredu Atomikoak

Materia guztia atomoek osatzen dute. Historian zehar, atomoaren egitura ulertzeko hainbat eredu proposatu dira, gure ezagutza zientifikoa zabalduz.

Daltonen Eredu Atomikoa (XIX. mendea)

• Materia atomoz osatuta dago.
• Atomoak partikula zatiezinak dira.
• Elementu bereko atomoek masa eta propietate berberak dituzte.
• Elementu desberdinetako atomoak elkar daitezke, konposatuak eratuz.
• Erreakzio kimikoetan, atomoen kopurua ez da aldatzen eta ez dira eraldatzen.

Thomsonen Eredu Atomikoa (Aran-pastela)

• Atomoa karga positibodun masa bat da, eta elektroiak masa horretan txertatuta daude era uniformean.
• Karga positiboek elektroiek baino espazio handiagoa betetzen dute.
• Atomoa neutroa da (karga totala nulua).

Rutherforden Eredu Atomikoa

• Karga positibodun partikulak (protoiak) aurkitu zituen.
• Atomoak nukleo txiki bat dauka.
• Atomoaren zatirik handiena hutsik dago.
• Nukleoan karga positibo guztia eta ia masa guztia dago.
• Nukleoaren inguruan biraka elektroiak daude, orbitak osatuz.

Bohren Eredu Atomikoa

• Elektroiak geruzatan antolatzen dira, eta geruza horiei energia mailak esaten zaie.
• Energia maila bat betetzean, hurrengoa betetzen hasten da.

Eredu Kuantiko Modernoa

• Orbitalak energia kantitate zehatz bateko elektroi bat aurkitzeko probabilitate handia dagoen guneak dira.
• Elektroiak 1etik 7ra bitarteko energia mailatan taldekatuta daude.
• Orbital motak: S, P, D, F.