Abeltzaintzako ustiapen-sistemak eta modernizazioa

Abeltzaintzako ustiapen-sistemak

Abeltzaintzako ustiapen-sistemak: Zenbait sistema daude, eta irizpide hauek kontuan hartuta sailkatzen dira:

Ustiategiaren tamainari erreparatuta

• Estentsiboa: Azienda lur-eremu zabaletan bizi da (bazkalekuetan).
• Intentsiboa: Kapital-inbertsio handiak egin diren azalera txikietan kontzentratzen dira animaliak.

Aziendaren mugikortasunaren arabera

• Nomada: Azienda etengabe ibiltzen da larre bila.
• Transhumantea: Urtaroaren arabera mugitzen dira.
• Sedentarioa: Azienda ez da bazkaleku bila lekualdatzen.

Elikadura motaren arabera

• Ukuiluratua: Pentsu-konposatuak eta ganadu-jatekoa ematen zaie.
• Ukuiluratu gabea: Bazka baino ez dute jaten.
• Erdi ukuiluratua: Elikadura mistoa (pentsua eta bazka).

Abeltzaintzaren modernizazioa

Abeltzaintzaren modernizazioa: Abeltzaintzak aldaketa handiak izan ditu azken hamarkadetan:

• Abeltzaintza-ustiategien mekanizazioa gertatu da, eta horren ondorioz ekoizpena handitu da, eskulana murriztu eta sistema tradizionalak desagertu dira (transhumantea).
• Bertako arazoak—produktibitate txikiagoak baina ingurumenera oso ondo egokituta egonik ere—alde batera utzi dira, eta kanpoko arrazak sartu dira, produktibitate handiagokoak direlako.
• Aldi berean, zenbait espezie hazteko baliatzen ziren ustiategi tradizionalak eraldatu eta ustiategi espezializatu bihurtu dira, azienda mota bakarra ustiatzen jarduteko.

Nekazaritza paisaia tradizionalak

Nekazaritza paisaia tradizionalak: Munduko leku askotan, nekazaritza tradizionala egiten jarraitzen dute. Haren helburua autokontsumorako elikagaiak ekoiztea da; jarduera horretan begirunez jokatzen da lurraldearekin, eta lurraren baldintza fisikoen eta bertako natura-baliabideen arteko orekari eusten bazaio.

Ezaugarri hauek dituzte:

• Oinarrizko teknikak eta makina bakunak erabiltzen dira, eta eskulan ugari dago.
• Ekoizpena urria da, baina bizirik irauteko nahikoa.
• Soberakinak tokiko merkatuetan merkaturatzen dira.
• Lursail txikitan antolatutako eremuak dira, jabetza pribatukoak edo komunalekoak, eta polilaborantzako erabiltzen dira.

Batzuetan, nekazaritza- eta abeltzaintza-ekoizpena lotuta daude.