Urbanizazioaren Bilakaera: Industria eta Postindustria Aroak

Urbanizazio Industriala

Industrializazioaren hasieratik 1975eko krisi ekonomikora arteko garaia hartzen du. Garai honetan urbanizazio-tasa handia zen, hirietako biztanleria landa-eremuetakoa baino gehiago hazi baitzen. Hori faktore administratibo eta sozioekonomikoek eragin zuten.

Espazioaren ikuspegitik, hazkundea hiri handietan kontzentratu zen; hiriak espazioan hedatu ziren eta periferia zabalak eratu ziren.

Urbanizazio Industrialaren 4 Etapak

• XIX. mendearen erdialdera arte: Hirietako demografia-kontzentrazioa txikia izan zen.
• XIX. mendearen erdialdetik Espainiako Gerra Zibilera arte: Urbanizazio-tasa ia bikoiztu egin zen, eta hiri-hazkundearen faktore nagusia industria izan zen.
• Espainiako Gerra Zibila eta gerraondoa: Hiri-hazkundea geldotu egin zen. Politika autarkikoak eragina izan zuen. Horrela hasi zen ipar-ekialdeko triangelu industriala (Madril, Bartzelona, Bilbo) garatzen.
• Desarrollismoaren etapa: Hazkunde handiena gertatu zen. Neurri apalagoan, hirugarren sektoreko jardueren garapenak lagundu zion urbanizazioari. Horien artean, metropoli handietako zerbitzu aurreratuak eta Mediterraneoko turismoa nabarmendu daitezke.

Urbanizazio Postindustriala

1975eko krisiak urbanizazio-prozesuari aldaketak ekarri zizkion, eta aldaketa horiek 1980tik aurrera sendotu ziren. Garai honetan, hazkundea geldotu egin da, hala ere tasa horren ehunekoa handia da. Urbanizazio-faktoreak aldatu egin dira: industriak indarra galdu du eta hirugarren sektoreak hartu du garrantzia.

Espazioaren ikuspegitik, geratu egin da demografia-hazkundeak hirietan kontzentratzeko zuen joera. Hori gertatzen da zenbait hiritako biztanleen eta ekonomia-jardueren zati bat lurzoru ugariagoa eta merkeagoa eskaintzen duten espazioetara hedatzen delako (ondoko udalerrietako edo gertuko probintzietako hirietara, eta landa-eremura ere joan dira). Hiri handiek indarra areagotzen dute.

Urbanizazio Postindustrialaren Etapak

• 1980tik 2000ra: Hiri-hazkundearen erritmoa nabarmen jaitsi zen, jaiotza-tasaren beherakadaren eta 1975eko krisiaren ondorioz. Gehienbat hiri handiei eragin zien.
• 2000tik 2010era: Hiri-hazkundean igoera arin bat izan zen, oparotasun ekonomikoak ekarritako immigrazioari esker. Hazkunde handia hiri ertain eta txikietan eman zen, eta gutxi handietan.
• 2010etik aurrera: Hiri-hazkundea geratu da, krisi ekonomikoak jaiotza-tasan eta atzerriko immigrazioan eragin dituen beherakadak direla eta.