Uhal eta poleen gida: motak, erabilera eta mantentze-lanak

Uhalak eta poleak

1. Uhal motak

Ezagutzen dituzun uhal motak hauek dira:

• Banda bakarreko uhal trapeziala
• Uhal lauak
• Abiadura-aldagailuzko uhalak
• Uhal sinkronoak
• Uhal ildokatuak edo artekak dituztenak

2. Noiz erabiltzen dira uhal sinkronoak?

Uhal sinkronoak irristatze-eza segurtatu behar denean erabiltzen dira.

3. Uhal baten konposizioa

Uhal baten konposizioa hiru atal nagusitan banatzen da:

• Armadura: Uhal barruan sartuta dauden kable batzuek osatzen dute. Lanerako ahalmen handia, trakzio-erresistentzia eta malgutasun ikaragarria ematen diote uhalari, eta luzapena mugatzen dute.
• Barne-nahastea: Honek ematen dio uhalari bere ohiko forma. Ukipen-gainazaleko esfortzu trapezialak armadurak luzerako esfortzu bihurtzea da bere zeregina.
• Estaldura: Ehun baten bidez kanpoaldera babesten da. Kanpoko erasoen eta urraduraren aurka babestea da bere funtzioa.

4. Uhal ildokatuen edo artekak dituzten uhalen ezaugarriak

Sekzio txikiko uhalak dira, eta, beraz, egokiak dira periferia-abiadura handietarako. Hortzak dituztenez, transmititu dezaketen potentzia uhal lauek transmititu dezaketena baino handiagoa da.

5. Uhalak tenkatzeko sistemak

Uhalak tenkatzeko bi sistema erabil ditzakegu:

• Ardatzen arteko distantzia aldatzea: Motorra plaka baten gainean muntatuz eta, arteka batzuen bidez, osorik mugituz.
• Tentsio-arrabola erabiltzea: Motorra biratzen den plaka baten gainean muntatuz. Plaka horrek alde batean ardatza du biratzeko, eta beste aldean mugituz tenkatzen da.

6. Ardatz lineal baten hiru konfigurazio desberdinak

• 1. kasua: Transmisioa polea eta uhalen bidez egiten da. Hauek boladun ardatzari ematen diote mugimendua, torloju-azkoin sistemari lotuta dagoena.
• 2. kasua: Motorretik ardatzerako transmisioa akoplamendu baten bidez egiten da. Mugimendu lineala torloju-azkoin bidez lortzen da. Sistema honek kodetzailea dauka.
• 3. kasua: Mahaiaren edo orgaren mugimendurako pinoi eta kremailera sistema erabiltzen da. Erregela lineala dauka.

7. Polea trinkoen eta zeharkakoen arteko desberdintasunak

• Trinkoak: Pieza osoak eta batekoak direnean.
• Zeharkakoak: Abatz trukagarri baten bitartez muntatzen direnean.

8. Nola muntatzen da abatz trukagarri bat?

1. Abatzaren zirrikitua ireki eta txabetadun ardatza sartu.
2. Polea zorro konikoaren gainean ezarri, poleak estutzeko dituen zuloak kontuan hartuta.
3. Torlojuak muntatu eta txandaka eta poliki-poliki estutu, une egokia lortu arte.

9. Eta nola desmuntatzen da?

1. Finkapen-torlojuak askatu.
2. Desmuntatze-torlojuak lotu, txandaka, polea desblokeatu geratu arte.
3. Abaka ireki eta atera.
4. Asentu-gainazalak koipeztatu eta babestu.