Teknologia, Produktibitatea eta Kostuak Enpresan
Teknologia eta Berrikuntza
Teknologia
Teknologia emaitza bat lortzen laguntzen duten jakintzen eta prozeduren multzo bat da. Emaitza hori produktu berri bat sortzea edota ekoizpen-prozesua hobetzea izan daiteke.
Berrikuntza Teknologikoa
Aldaketa tekniko jakin bat lehen aldiz enpresa batean sartzeari deritzo berrikuntza teknologikoa. Berrikuntza teknologikoa produktuan nahiz prozesuan gerta daiteke, eta enpresen lehiakortasunaren oinarri da gizarte industrializatuetan.
Produktibitatea eta Efizientzia
Ekoizpen-Faktore Baten Produktibitatea
Ekoizpen-faktore baten produktibitatea: ekoizpen-faktorearen unitate bati (lana, kapitala) atxikitako ondasun baten ekoizpen kopurua.
Enpresaren Produktibitate Osoa
Enpresaren produktibitate osoa ekoitzitako guztizko kantitatearen eta erabilitako faktore guztien arteko erlazioa da.
Efizientzia Teknikoa
Kontuan hartzen badugu produktu jakin bat teknologia bat baino gehiagoren bidez ekoitz daitezkeela, efizientzia teknikoa dagoela esan daiteke. A teknologiak B teknologiaren produktu kantitate bera ekoizten badu, baina ekoizpen-faktore unitate gutxiago erabiliz, edo produktu gehiago ekoizten baditu antzeko ekoizpen-faktore kantitateak erabiliz. Hau da, A teknologia teknikoki efizienteagoa da B teknologia baino.
Efizientzia Ekonomikoa
Kosturik txikienaz, hau da, ahalik eta merkeen, ekoizteko aukera ematen duen teknologia aukeratzean datza efizientzia ekonomikoa.
Kostuak Enpresan
Kostu Finkoak
Kostu finkoak: ez dute loturarik ekoizpen-mailarekin; hau da, ez dira aldatzen ekoitzitako kopurua aldatzen bada. Enpresako epe laburreko faktore finkoen balioa da (lokalaren errenta adibidez).
Kostu Aldakorrak
Kostu aldakorrak: kostu horiek zuzenean lotuta daude ekoizpen-mailarekin; hau da, ekoizpenaren arabera aldatzen diren faktoreen kostuak dira (lana, lehengaiak esate baterako).
Kostu Zuzenak
Kostu zuzenak: ekoizpenarekin zuzenean lotuta daude eta produktu bakoitzari zehazki eslei dakizkioke, erraz neur baitaiteke zenbat aleri aplikatzen zaizkion.
Zeharkako Kostuak
Zeharkako kostuak: ekoizpen-prozesuari eragiten diote edo zenbait produkturi eragiten diete. Horrenbestez, ezin da esan produktu bakar baten gastuak direnik, eta beste esleipen-irizpide batzuk erabili behar dira.
Errentagarritasuna eta Kudeaketa
Errentagarritasun-Atalasea (Oreka-Puntua)
Enpresaren errentagarritasun-atalasea edo ez aurrerako ez atzerako puntua deritzo enpresak mozkinak lortzen hasteko saldu behar dituen aleei. Oreka-puntua ere esaten zaio.
Just in Time Sistema
Just in time: ekoizpena kudeatzeko eta hornidura kudeatzeko sistema integratua da. Helburua: ahalik eta baliabide gutxien erabiltzea inbentariorako, ekoizpen-epeak eta bezeroei emateko epeak murriztea, eta kalitateko sistema integratua edukitzea.