Lan Harremanak: Baztertutakoak eta Berezikoak
1. gaia: Lan kontratua
4. Lan antolamendutik baztertutako harremanak
Langileen Estatutuaren (LE) 1.3. artikuluak honako hauek ezartzen ditu:
- a) Funtzionario publikoen zerbitzu-harremanak eta Estatuaren, toki-korporazioen eta erakunde publiko autonomoen zerbitzura dauden pertsonak.
- b) Norbanako bakoitzaren derrigorrezko zerbitzuak (adibidez, hauteskundeetako mahaikide izatea).
- c) Sozietateen itxura juridikoa daukaten enpresetan, administrazioko organoetako kide edo kontseilari kargua, betetze huts eta soilera mugatzen diren jarduerak.
- d) Adiskidetasunez, borondate onez edo auzo-harreman onez egindako lanak.
- e) Familiartekoen lanak: betiere soldatapean ez daudela frogatzen bada. Familiartekotzat hartuko dira: ezkontidea eta odolkidetasunez edo ezkontza-ahaidetasunez bigarren mailara arteko ondorengoak, aurrekoak eta senideak (umeordetzan hartutakoak barne), baldin eta enpresaburuarekin batera bizi badira.
- f) Enpresaburu bat edo gehiagoren kontura merkataritzako eragiketetan parte hartzen duten pertsonen jarduerak, baldin eta pertsona horiek eragiketaren arrisku eta zoriak bereganatuz, eragiketen amaiera onaren erantzukizuna beregain hartzen badute.
- g) Oro har, artikulu honetako 1. paragrafoan zehaztutako lan-harremanetatik kanpo bestelakoren bat gauzatzeko egindako lan guztiak.
5. Lan harreman bereziak
LEren arabera, honako hauek dira lan-harreman bereziak:
- a) Goiko 1.3.c artikuluan sartzen ez diren goi-zuzendaritzako langileenak.
- b) Etxeko zerbitzukoak.
- c) Zigor-erakundeetan dauden zigortuenak.
- d) Ikuskizun publikoetan diharduten artistenak.
- f) Enpresaburu bat edo gehiagoren kontura merkataritzako eragiketetan parte hartzen duten pertsonenak, eragiketen arrisku eta zoriak bereganatzen ez badituzte.
- g) Enplegurako lantegi berezietan zerbitzuak betetzen dituzten langile elbarrienak.
- h) Estatuko sozietateen bidez portuetan zerbitzuak betetzen dituzten zamaketarienak, edo autonomia-erkidegoek kudeatutako portuetan sozietate horien eginkizun berberak betetzen dituzten pertsonenak.
- i) Legeren batez berariaz lan-harreman berezitzat aitortutako beste edozein lan-modu.