Industriaren Sailkapena eta Egoera: EB, Espainia eta EAE

Industria Moten Sailkapena

Oinarrizko industriak

Lehengaiak naturatik hartu eta produktu erdilanduak ekoizten dituzte. Beste industria batzuen lehengaiak izango dira produktu horiek:

• Siderurgikoa
• Metalgintza
• Oinarrizko kimika (petrokimika)
• Zementu industria

Ekipo-ondasunen industria

Oinarrizko industriek ekoitzitako produktu erdilanduekin, produktuak ekoizten dituzte beste enpresa batzuentzat:

• Makinak eta motorrak
• Garraiorako ekipoak eta materiala
• Eraikuntzarako materiala

Kontsumo ondasunen industriak

Zuzenean saltokietan eros daitezkeen kontsumo produktuak ekoizten dituzte:

• Elikagaigintza
• Ehungintza
• Automobilgintza
• Kontsumorako elektronika
• Kimika arina
• Altzarigintza

Industria Europar Batasunean (EB)

• Industria-potentzia nagusietako bat da.
• EBko herrialdeek merkatu garrantzitsua bermatzen dute beren produktuetarako.
• Industriak %25eko ekarpena egin dio BPGari.
• Biztanleria aktiboaren %22,1ek jarduten du bertan, baina ehunekoa jaisten ari da.
• Alemania da EBko herrialderik industrializatuena. Atzetik Erresuma Batua, Frantzia eta Italia daude.
• Ekialdeko Europako herrialdeetan industriak garrantzi handia du ekonomian eta enpleguan. Mendebaldeko Europako fabrika asko herrialde horietara mugitu dira (Txekiar Errepublikara, Hungariara...).

Erronkak

• Gehiago inbertitu ikerketan eta berrikuntzan (I+G).
• Enpresa ertain eta txikiei finantzaketarako erraztasunak eman.
• Energia gutxiago kontsumitu eta ingurumen-kutsadura murriztu.

Industria Espainian

• 2007an hasitako munduko ekonomia-krisiak eragin handia izan zuen.
• 2013an biztanleria aktiboaren %13k egiten zuen lan industrian eta %6k eraikuntzan.
• Industriak BPGaren %16,1 ekarri zuen eta eraikuntzak %5,2.
• Katalunia, Madril, EAE eta Valentzia dira industrializatuenak.
• Ekoizpen-balio handieneko industriak elikagaien, edarien eta tabakoaren industriak dira.

Industria EAEn

• Euskadik ekonomia-krisiak izan ditu, azkena 2008tik 2014ra bitartean.
• Sektore kaltetuenak industria astuna eta ontzigintza izan dira.
• Inbertsio handiak egiten dira I+Gn (ikerketa eta garapena).
• Garrantzi handiko sektoreak automobilgintza eta makina-erreminta dira.
• Azken hamarkadetan, kanpo-merkataritza garatu da eta ekoizpenaren zatirik handiena esportatu egiten da (Txinara, Mexikora...).
• EAEko industria hirien inguruetan biltzen da.
• Multinazionalek fabrikak dituzten arren, enpresa txiki eta ertainak dira nagusi.