Inbertsioak: Kontzeptuak, Hautaketa Metodoak eta Analisia

Inbertsioaren kontzeptua eta ezaugarriak

Inbertsioa: kapital bat arriskuan jartzea da, etorkizuneko itxaropen baten truke.

Inbertsio baten oinarrizko elementuak

• Hasierako ordainketa (D₀): aktiboak eskuratzeko unean ordaindu behar den diru-kopurua da.
• Iraupena (n): inbertsioak irauten duen urte-kopurua; urte hauetan diru-sarrerak eta irteerak egongo dira.
• Kutxa-fluxuak edo kutxa-jarioak (F_i): inbertsio horrekin urte bakoitzean lortuko diren irabaziak (kobraketak mius ordainketak).
• Hondar-balioa (R): inbertsioaren bizitza amaitzen denean, ondasunak duen balioa.

Inbertsioak aukeratzeko metodoak

A. Metodo estatikoa: Payback edo Berreskuratze Epea (BE)

Metodo honek hasierako ordainketa berreskuratzeko zenbat denbora behar den adierazten du. Kalkulatzeko, urteko irabaziak metatzen joan behar da, hasierako ordainketa berdindu arte.

Metodo estatikoaren arazoak:

• Behin hasierako ordainketa berreskuratuta, ez ditu kontuan hartzen handik aurrera lortzen diren kutxa-jarioak.
• Ez du kontuan hartzen diruaren balioaren aldaketa denborarekin batera.

B. Metodo dinamikoak

Metodo dinamikoek kutxa-jario guztiak eta diruaren balioaren aldaketak kontuan hartzen dituzte:

• Balio Eguneratu Garbia edo Gaurko Balio Garbia (GBG): inbertsioarekin zenbat irabazten dugun neurtzen du.
• Barruko Errendimenduaren Tasa edo Barruko Itzulketa Tasa (BET): gaurko balio garbia 0 egiten duen tasa da.

Diruaren balioa denboran: Kapitalizazioa eta Gaurkotzea

• Kapitalizatu: gaur egungo diru-kopuru baten balioa etorkizuneko diruaren balioan adieraztean datza. (Gaurko balioa → Urte batzuetako balioa).
  Formula: C_n = C₀ (1 + k)ⁿ (k: merkatuko interes-tasa; n: urte-kopurua).
• Gaurkotu: etorkizuneko diru-kopuru baten balioa gaur egungo diruaren balioan adieraztean datza. (Etorkizuneko balioa → Gaurko balioa).
  Formula: C₀ = C_n / (1 + k)ⁿ.
• Interes-tasa: k = i + g + ig (interes-tasa inflazioarekin).

Batez besteko heltze-aroa (BHA)

Arlo ekonomikoa dela medio, merkantzia edo produkzio-faktore bat erosten denetik saldu arte zenbat egun igarotzen diren jakiteko balio du.

• Osagaiak: HAh (hornidura), HAe (ekoizpena), HAs (salmenta), HAk (kobraketa).
• Kalkulua: 365 / (Totala / Batez bestekoa) = eguneko ratioa.
• Ondorioa: Emaitza guztiak batuz, lehengaiak erosten direnetik dirua berreskuratu arte igarotako egunak lortuko ditugu.