Heltze-aroa: Kalkulua, Formula eta Kontzeptuak
Heltze-aroa
Ziklo laburra, merkataritza zikloa edo ustiapen zikloa (dirua → salgaiak → dirua) deitzen zaion prozesuaren iraupena da. Iraupen hori, egunetan neurtua, heltze-aroa deitzen da.
Bi heltze-aro mota bereizten dira:
- Heltze-aro ekonomikoa
- Heltze-aro finantziarioa
Heltze-aro ekonomikoa
Heltze-aro ekonomikoa enpresaren ziklo osoa neurtzen du, lehengaiak erosten direnetik salmentak kobratu arte. Formula hau da:
Heltze-aro ekonomikoa = Be + Fe + Se + Ke (egunetan)
Be: Biltegiratze epea
Zenbat denbora pasatzen den lehengaietan inbertitu dugun momentutik lehengai horiek ekoizpen prozesuan sartu arte neurtzen du.
Formula: (Biltegiko lehengaien batez bestekoa / Urteko lehengaien kontsumoa) * 365
Fe: Fabrikatzeko epea
Lehengaiak ekoizpen prozesuan sartu direnetik produktu amaitua lortu arte zenbat denbora pasa den neurtzen du.
Formula: (Ekoizten ari diren produktuen batez bestekoa / Urteko ekoizpenaren balioa) * 365
(Oharra: Urteko ekoizpenaren balioak amortizazioak eta gastu zuzenak barne hartzen ditu.)
Se: Salmenta epea
Produktuak amaitu diren momentutik saltzen diren arte zenbat denbora pasatzen den neurtzen du.
Formula: (Bukatutako produktuen batez bestekoa / Salmentak kostu prezioan) * 365
(Oharra: Salmentak kostu prezioan gastu orokorrak barne hartzen ditu.)
Ke: Kobratze epea
Produktua saldu dugun momentutik kobratu dugun arte zenbat denbora pasatzen den neurtzen du.
Formula: (Bezeroen batez bestekoa / Salmentak salmenta prezioan) * 365
Heltze-aro finantziarioa
Heltze-aro finantziarioak enpresak bere funtsak zenbat denboraz finantzatu behar dituen adierazten du. Formula hau da:
Heltze-aro finantziarioa = Heltze-aro ekonomikoa - Oe
Oe: Ordainketa epea
Lehengaiak erosi ziren unetik lehengai horiek ordaindu arte zenbat denbora pasatzen den neurtzen da.
Formula: (Hornitzaileen batez bestekoa / Urteko lehengaien erosketa) * 365
Ohar garrantzitsuak
- Bi salmenta ematen badizkigute, txikiena izango da kostu prezioetan baloratuta dagoena.
- Salmenta bakarra ematen badigute, beti izango da salmenta prezioetan baloratuta dagoena.
- Formula batean goiko aldean behar dugun datua ematen ez badigute, aurreko formulan goian daukagun datua jarriko dugu.
- Lehengaien erosketak eta lehengaien kontsumoa bereizten ez badizkigute, biak berdinak izango direla suposatuko dugu.
- Heltze-aro finantziarioa negatiboa izan daiteke, eta horrek esan nahi du gure hornitzaileez finantzatzen garela. Hori enpresarentzat oso ona da.
- Batzuetan datuen artean egun kopuru bat emango digute. Kasu horretan, formula baten emaitza izango da.
- Merkataritza enpresa baten (ekoizten ez duen enpresa) heltze-aro ekonomikoa honako hau da: Be + Ke.