Finantza eta Enpresa Glosarioa

Definizioak

Estrategia:

Helburu jakin batzuk lortzeko ekintza-plan orokorra.

Enpresa:

Ekoizpen-faktoreak konbinatzen dituen ekoizpen-unitate ekonomikoa.

Marketina:

Etekina lortzeko helburuarekin, enpresa batek kontsumitzailearen beharrak eta nahiak betetzeko garatzen duen jarduera multzoa.

Errenta:

Bazkide batek akzioak edukitzeagatik, bai salmentagatik bai dibidenduengatik, lortzen dituen irabaziak.

Merkatu-kuota:

Enpresa baten salmentak eurotan sektorekiko konparatuta eta ehunekotan neurtuta.

Bazkide:

Sozietate batean eskubideak eta betebeharrak hartu dituen pertsona fisiko edo juridikoa, kapital ekarpenak eginez, etorkizunean etekin ekonomikoak lortzeko helburuarekin.

Fakturazioa:

Sektoreko diru-sarrerak.

Errentagarritasuna:

Interesak sortzeko duen ahalmena adierazten du. Errenta finkoko balorea bada, interesa aldez aurretik dakigu eta ez da aldatzen. Baina errenta aldakorreko titulua bada, enpresaren egoeraren arabera aldatuko da.

Arriskua:

Zor duena ez ordaintzeko probabilitatea adierazten du. Epearen eta jaulkitzailearen bermearen araberakoa da.

Likidezia:

Eskudirutan edo legezko diru bihurtzeko erraztasuna adierazten du.

Merkataritza-kreditua:

Hornitzaileekin finantzaketa, erosketak eskudirutan ez ordaintzeagatik.

Efektu-deskontua:

Banketxeak bezeroek zor dizutena aurreratzen dizu, komisioa kenduz. Banketxeak, bezeroak ez badio ordaintzen, zuri eskatuko dizu hasierako zenbatekoa.

Factoring:

"Factor" enpresari gure zorrak saltzen dizkiogu. Horrek dirua aurreratzen dizu eta ez-ordainduak bere esku geratzen dira.

Confirming:

Kreditu-erakundeek enpresei hornitzaile nazionalei egin beharreko ordainketak kudeatzeko eskaintzen dieten finantza-zerbitzua.

Maileguak:

Itzuli beharko den dirua, interesak ordainduz. Ibilgetua erosteko.

Jesapenak:

Zenbateko handiko mailegua tituluetan banatuta. Partikularrei eskatzen dizkiete maileguak. Enpresak dirua eta dagozkion interesak itzuliko ditu.

Leasing:

Aktibo ez-korronteko elementu baten alokairua. Kontratuaren amaieran erosteko aukera egongo da.

Renting:

Ondasun higigarriak alokatzean datza. Amaitzean, ez du erosteko aukerarik. Renting enpresak asegurua eta mantentzea ordainduko ditu.