Enpresa Planaren Gida: Merkatu, Marketing eta Ekoizpen Estrategiak

B- Merkatu azterketa

Merkatu azterketa gure lehia-esparrua izango den sektorea eta saldu nahi dugun produktuaren edo eman nahi dugun zerbitzuaren merkatua ezagutzen laguntzen digun tresna da.

Alderdi nagusiak:

• Ingurumenaren analisia: Egoera sozioekonomikoa eta biztanleria, baita indarrean dagoen legeria ere aztertzen ditu.
• Sektoreari buruzko alderdi orokorrak: Zer produktu eta zerbitzu osagarri nahiz ordezko eskaintzen diren aztertzen da.
• Bezero potentzialak: Merkatu honetan zehaztu behar da nor diren bezero potentzialak eta zenbateraino diren harkorrak.
• Lehiakideen analisia: Sustatzaileak zer lehiakide izango dituen jakin behar du: indarrak, ahuleziak, kokapena, ezaugarriak...

C- Marketing plana

Azterketa ekonomiko-finantzarioan jasotako fakturazioa lortzeko, merkaturatze-estrategiak finkatzea helburu duen dokumentua da.

Atalak:

• Merkaturako den produktuaren edo zerbitzuaren deskribapena.
• Prezio-estrategia: Prezio baxuak edo prezio altuak.
• Itopuntuaren edo errentagarritasun-atalasaren kalkulua.
• Salmenta politika.
• Sustapen eta publizitate politikak.
• Banaketa bitartekoak.
• Salmenta osteko zerbitzua, bermea eta bezeroaren arreta.

D- Ekoizpena eta kalitate plana

Kalitatearen kudeaketa, ekipamenduen eta azpiegituren logistika eta laneko babes-neurriak biltzen ditu.

Ekoizpenaren kudeaketa:

• Enpresaren jarduera produktu bat garatzea, ekoiztea eta merkaturatzea bada, zehaztasunez deskribatu behar dugu nola garatzen eta ekoizten den produktua.
• Enpresaren jarduera zerbitzu bat ematea bada, ekoizpenarekin lotutako alderdiak alde batera utzi eta zerbitzu jakin batean zentratu behar da.

Ekoizpen eta zerbitzuarekin lotutako alderdiak:

• Instalazioen kokapen geografikoa.
• Beharko diren eraikinak eta lursailak.
• Enpresa hornitzaileen azterketa.
• Ekipamendua.
• Ekoizpen prozesuaren deskribapen zehatza.
• Ekoizpen prozesuaren estrategia.
• Kostuen balioespena.
• Produktuaren kostuen zehazpena.
• Segurtasuna eta higienea.
• Kalitate kontrola.

E- Giza baliabideen plana

Helburua enpresako sailen funtzionamendu ona bermatzea da, bai eta haien arteko koordinazio egokia ere.

Alderdiak:

• Lanpostu guztiei dagokien funtzionamendua.
• Gaitasunak eta esperientziak.
• Profil pertsonala eta profesionala.
• Giza baliabideen arloko politika zein den aipatzea.