Zer da emakume izatea? Beauvoirren ikuspegia
Zer da emakume izatea?
'Emakume' kategoriaren problematizazioa
Simone de Beauvoirrek 'Bigarren Sexua' liburua idatzi zuen, feminismoaren oinarri izan zena. Liburuaren eta Beauvoirren helburua emakumeek beren burua definitu ahal izatea zen. Gizakiak bere buruarekin zer egin erabakitze ahalmena du, baina emakumeen kasuan gizonek erabakitzen dute zer egin behar duten. Horregatik, eskubide politikoak izan arren, emakumeek gizonen menpe jarraitzen dute.
Emakumeari bere etorkizuna jaiotzen den momentutik determinatzen zaio. Beauvoirrek baztertzen ditu emakumeen patua biologian, sexualitatean edo ekonomiaren arabera definitzeko saiakerak. Datu horiek oso garrantzitsuak badira ere, ez dira nahikoak emakumea definitzeko. Kontua da emakumea (eta gizona) nola egiten diren aztertzea. Emakumea nagusiaren eta esklaboaren arteko dialektikaren arabera eraikitzen da.
Gizona beti hartzen da funtsezko balio goren gisa, subjektu bezala, eta emakumea "bestea" bihurtzen da, objektu bezala. Gizona positiboa izanik, emakumea negatibo bihurtzen da. Horrela, gizonek harremanetan nagusitasuna lortzen dute eta emakumeari erabakitzeko askatasuna mugatzen zaio.
Kulturarekiko eta rolen egokitzapena
Emakume izateak esan nahi du txikitatik kultura moldatzen gaituela. Emakumea gizon batzuek diseinatutako "emakume-eredu batean" sartzera behartzen da. Txikitatik irakatsi zaio emakumeari gizon batek agintzen duena egitea. Egin beharreko rola emazte eta ama izatea dela aurkezten zaio. Emakumeari gizonari zerbitzatzeko eta zaintza-lanak egiteko irakasten zaio. Esparru publikoarako sarbidea ukatzen zaio emakumeari, baina aldi berean gizakiak hezteko baimena ematen zaio.
Amatasun garaian emakumea funtzio pribatu batera murrizten da. Emakumea esparru pribatuan mantentzeko asmatutako eraikuntza sozial baten modukoa da. Horregatik, Beauvoirrek abortuaren aldeko aldarrikapena egiten du, emakumeek amatasuna askatasunez erabaki ahal izateko.
Helburu nagusiak
Bere xedea sexuen arteko berdintasuna aldarrikatzea eta harreman hierarkikoa desegitea da. Helburua da emakumeak norbanako autonomo eta burujabe izan daitezen. Horretarako, askapen-prozesu kolektibo bat proposatzen du, emakumeek beren kabuz erabaki dezaten zer izan eta zer ez.
- Emakumearen askapen sexuala eta afektiboa
- Askapen ekonomikoa, ahalmen formal eta materialak ziurtatuz
Bertan, emakumearen askapen sexual eta afektiboaz gain, askapen ekonomikoa ere aldarrikatzen du, emakumeek autonomia garatzeko gaitasun formal eta materiala izan dezaten.