Demografiaren bilakaera: Erregimen zaharretik gaur egunera
Erregimen demografiko zaharra
- Jaiotza-tasa altua: Erregimen demografiko zaharrean, familiak ugariak ziren, antisorgailu eraginkorrik ez zegoelako eta seme-alabek, nekazaritza-lanetan laguntzeaz gain, gurasoak zahartzaroan mantentzen zituztelako.
- Heriotza-tasa altua: Heriotza-tasa altua zen, medikuntza eta higienea atzeratuta zeudelako.
Trantsizio demografikoa
- Jaiotza-tasa: Jaiotza-tasa poliki jaitsiz joan zen, eta suspertu ere egin zen.
- Heriotza-tasaren jaitsiera bortitza: Heriotza-tasak behera egin zuen. Lagungarria izan zen kliniketan erditzeko joera; horri esker, amen eta haurren heriotza-tasa jaitsi zen.
- Gerra Zibila (1936): Eragin handia izan zuen: jaiotza-tasa izugarri jaitsi eta heriotza-tasa igo zen.
Aurrerapen mediko eta sanitarioak
Garrantzitsuenak txertoak eta antibiotikoen merkaturatzea izan ziren; 1918ko gripeaz geroztik, heriotza-tasa katastrofikoa desagerrarazi zuten eta gaixotasun infekziosoen eragina jaitsi zuten. Osasun publikoa hedatu zen.
Aurrerapen sanitarioak higiene pribatua eta publikoa hobetzearen ingurukoak izan ziren: edateko urez hornitzeko, estolderia eta zaborra biltzeko hiri-zerbitzuak ezarri ziren. Horren ondorioz, haurren heriotza-tasa jaitsi zen eta bizi-itxaropena handitu zen.
Gaur egungo erregimen demografikoa
Seme-alaben kopuruaren jaitsieraren arrazoi nagusiak hauek dira:
- Krisi ekonomikoa (1975etik aurrera): Familia bat sortzeko arazoak daude, lana eduki arte zaila baita familia independente bat mantentzea. Horregatik, ama izateko adina atzeratu egiten da (bikoteak lan sendoa lortu arte); horrek ama gero eta zaharragoa izatea dakar, eta umeak edukitzeko ahalmena ere jaisten da urteen poderioz.
- Aldaketa kulturala: Ezkontza ez da bide bakarra, baina ama bakarrik bizi bada, ume gehiago edukitzeko zailtasunak azalduko dira (ekonomikoak eta zaintza-lanen banaketaren falta). Emakumea lan-munduan sartu da eta ezin ditu seme-alabak zaindu.